ÁLEM О́TKEN APTADA

Ulybrıtanııada ótken parla­ment saılaýynda kútkendegideı 13 jyl bılikte bolǵan leı­bo­rıs­ter partııasy jeńilis tapty. Bir­aq jeńiske jetken konserva­tor­lar partııasynyń da jeke-dara úki­met qurýǵa múmkindigi joq. Par­lamenttegi 650 orynnyń  305-i konservatorlarǵa, 255-i leı­borısterge, 61-i leıberal-de­mokrattarǵa tıip otyr.

Endi má­sele koalısııaǵa baryp tireledi. Leıborıster men konservatorlar odaqtaspaıtyny anyq. Úkimet taǵdyryn lıberal-demokrattar­dyń kimmen odaqtasatyny shesh­pek. Alda-jalda koalısııa qurý­dyń sáti túspese, jańa parlament saılaýy ótýge tıis.

GREKTER QYSPAQTA

Grekııa daǵdarys qushaǵynda. Basqalarǵa qaryzdar, qarjysy tapshy. Soǵan oraı jalaqyny, zeınetaqyny qysqartpaq. Amal joqtyqtan. Kóp adam ony tú­sin­gisi joq. Úkimet qysastyqpen ja­sap jatqandaı kóredi. Sóıtip, qar­sylyq bildirip jatyr. Qar­sylyq bolǵanda, áldekimderdiń arandatýlarymen jastar qol jet­kendi qıratyp, janatyndy ór­teýge kiristi. Sondaı-aq elde jappaı ereýilge shyǵý óris aldy. Ony uıymdastyrǵan kásip­odaq­tardyń málimdeýinshe, oǵan 100 myńnan astam adam qatysqan.

ÝKRAINDYQTAR TО́BELESKISh

Aǵaıyndy boksshylar Klıch­ko­lardy álem jurtshylyǵy bi­ledi. Olar álemge ýkraındardyń qalaı tóbelese alatynyn tanyt­qan. Sirá olardan depýtattar men sheneýnikter de qalysqysy joq. Jaqynda parlamenttegi tóbelesti talaı kún telearnalardan búkil álem tamashalasa, kúni keshe eko­nomıka mınıstri Vasılıı Sýsh­ko ózine kelgen oppozısıoner depýtat Anton Iаsenkony ıekten uryp, sulatyp salypty. Sebebi, aıqyn emes – sózin ótkize alma­ǵan depýtat, qandaı nıetpen eke­nin ózi biledi, mınıstrge tura um­tylsa kerek, sonda kabınet ıesi qarsy soqqy jasaǵan kórinedi.

TIL TABYSÝǴA JAQYN

Eki aıǵa jýyq qasarysqan qarsylyqtan keıin Taıland oppozısııasynyń basshylyǵy bıliktiń usynystaryn qaraýǵa kiristi. Premer-mınıstr Abhı­sıt Vetchachıvanyń úkimeti qarasha aıynda saılaý ótkizýdi usynyp otyr. Al oppozısııa buǵan deıin úkimettiń qyzmetten ketýin, par­lamentti taratýdy talap etken bo­latyn. Úkimet belgili dárejede yńǵaıǵa jyǵylsa, bul eń aldy­men adamdardyń qurbandyǵyna jol bermeýdi oılaǵany anyq. Buǵan deıin qaqtyǵystan 27 adam qaza tapqan edi. Degende, oppo­zı­sııanyń halyq saılaǵan parla­mentti taratýdy talap etýin ne­giz­di deýge kelmeıdi.

BANKIR – QYLMYSKER

Osydan birneshe jyl buryn ǵana Islandııa álemdegi eń tu­raq­ty, adam ómir súrýine eń qo­laı­ly elderdiń biri sanalatyn.  Sodan álemdik daǵdarys dende­gen­de, eń aldymen qyspaqqa tús­ken de Islandııa boldy. Shaǵyn eldiń jetekshi – úsh banktiń qa­ryzy 61 mıllıard dollarǵa je­tip, úkimet olardy memleket ıe­ligine alýǵa májbúr boldy. Sol úsh banktiń eń irisi Kauptingtiń kúıreýine tek daǵdarys qana emes, onyń jetekshisi Heıdar Mar Sýgýrdsson da aıypty eken. Ol qujattardy qoldan jasap, bırjada aldamshy oıyndar ót­kizip, taǵy basqa qýlyq-sum­dyq­pen biraz bank qarjysyn jym­qyrypty. Endi bankır tutqynǵa alynyp otyr.

ULTY KО́RSETILMEIDI

Budan bylaı reseılik tól­qu­jat­tarda ıesiniń ultyn kórsete­tin grafa bolmaıdy. Nege bulaı dep aıqaılaǵandar bolǵan eken, oǵan eldiń konstıtýsııalyq soty zańdyq turǵyda bir ulttyń ókili bolý Reseı azamattyǵyn alýǵa yqpal etpeıdi dep jaýap beripti. Endi men aǵa ulttyń ókilimin. Mem­leket quraýshy  ulttyń óki­limin dep eshkimniń basqalarǵa qojańdaýyna jol berilmeıdi.

MAOISTERDIŃ TALABY

Nepalda maoıstik uıymdar­dyń bastamasymen bastalǵan qar­sylyq ak­sııasy barǵan saıyn keń etek alyp otyr. Olar úki­mettiń ketýin ta­lap etedi. Jappaı ereýildiń sal­darynan dúkender, tamaqtan­dyrý oryndary ǵana emes, kásip­oryndar da jumysyn toqtatypty. Mektep­ter de, mem­lekettik meke­meler de jabylǵan kórinedi. Osy­ǵan qa­raǵanda, elde maoısterdiń yqpaly aıtarlyqtaı ekenin ańǵarasyń.

Ázirlegen Mamadııar JAQYP.