«Elimizdiń basym bóligindegi aýa raıynyń turaqsyz sıpatyna atmosferalyq frontaldy bólimder sebepshi bolady, ıaǵnı jaýyn-shashyn, jeldiń kúsheıýi, burqasyn, kóktaıǵaq kútiledi. Tek elimizdiń ortalyǵy men shyǵysynda antısıklon jotasynyń yqpalymen jaýyn-shashynsyz aýa raıy kútiledi. Respýblıka boıynsha keı jerlerde tuman kútiledi», delingen «Qazgıdromet» habarlamasynda.
Sınoptıkterdiń boljamynsha, Mańǵystaý oblysynyń batysynda, ońtústiginde, shyǵysynda kóktaıǵaq, soltústiginde tuman, batysynda, shyǵysynda jeldiń jyldamdyǵy 15-20 m/s deıin jetedi.
Qostanaı oblysynyń batysy men soltústiginde tómen burqasyn, ońtústiginde tuman kútiledi.
Túnde Túrkistan oblysynyń ońtústiginde, batysynda, taýly, taý bókteri aýdandarynda tuman, tańerteń jáne kúndiz batysta, soltústikte, taýly, taý bókteri aýdandarynda jel 15-20, ekpini 23 m/s deıin kúsheıedi.
Qyzylorda oblysynyń ortalyǵynda tuman, jel 15-20 m/s deıin kúsheıedi, kúndiz kóktaıǵaq, burqasyn bolady.
Jambyl oblysynyń soltústiginde, taýly, taý bókteri aýdandarynda tuman kútiledi, soltústik-shyǵysta jel 15-20, kúndiz ekpini 23 m/s, kúndiz ońtústik-batysta, taýly aýdandarda kóktaıǵaq bolady.
Batys Qazaqstan oblysynyń batysy men ońtústiginde jel 15-20 m/s deıin kúsheıedi.
Atyraý, Aqtóbe oblysynyń soltústik-shyǵysynda, batysynda, Pavlodar oblysynyń ońtústiginde, soltústiginde, Shyǵys Qazaqstan oblysynyń ońtústiginde, túnde jáne tańerteń Almaty oblysynyń ońtústiginde, Aqmola oblysynyń batysynda tuman kútiledi.
