Bul týraly promoýter Ismaıl Ozen Otto málimdedi.
«Álem chempıony ataǵyna úmitkerdi anyqtaıtyn jekpe-jek Klıchkolardyń dáýirinen beri bolǵan joq. Endi ýaqyt kelip jetti. Biz durys jolda júrmiz. Kúz mezgilinde álem chempıony ataǵyna talasatyn boksshyny anyqtaý úshin irikteý shaıqasyn ótkizbekshimiz. Júrisimizden jańylmasaq eshkim Janmen jekpe-jekten qashyp qutyla almaıdy», deıdi ol óz oıyn túıindep.
Esterińizge sala keteıik, Jan Kosobýskıı 19 aqpan kúni sharshy alańǵa oralady. Germanııanyń Gambýrg qalasynda ótetin boks keshinde otandasymyz fransýz boksshysy Joan Dıýopanyń shamasyn baıqap kórmek. WBC International beldigi sarapqa salynatan shaıqasta Jannyń mereıi ústem bolsa, ol irikteý jekpe-jegine qatysa alady.
