Belgili bolǵandaı ótken jyldyń kúzinde qaladaǵy dúkenderdiń birinde úsh áıel qala turǵynyna jaqyndap, tez baıýdyń qyzyqty shemasyn usynǵan.
Olar turǵyndy bir mıllıon teńge kóleminde nesıe alýǵa kóndirgen: 300 myń teńgeni ózińe alyp, 700 myń teńgeni bizge berseń, nesıeni tolyqtaı ózimiz jabamyz dep sendirgen. Biraq nesıe tóleıtin ýaqyt jaqyndaǵanda áıelder iz-tússiz joǵalyp ketken. Sodan keıin jábirlenýshi polısııaǵa júgingen.
Polısııa qyzmetkerleri kýágerlermen suhbattasyp, alaıaqtar júrýi múmkin jerlerdegi beınekameralardyń jazbalaryn kórdi. Kóp uzamaı jedel ýákilder olardyń izine túsip, áıelderdiń jeke basyn anyqtap, olardy qamaýǵa aldy. Úsheýi de Túrkistan oblysynyń týmalary bolyp shyqty.
Tergeý barysynda bir shema boıynsha alaıaqtardyń 500-ge jýyq adamdy aldaǵany belgili boldy. Keltirilgen jalpy shyǵyn shamamen 400 mıllıon teńgeni qurady.
«Polısııa qyzmetkerleri júrgizgen jedel-izdestirý is-sharasy nátıjesinde osy qylmysqa qatysty úsh azamatsha anyqtaldy. Olardyń alaıaqtyq, ıaǵnı bótenniń múlkin aldaý nemese senimdi teris paıdalaný arqyly adamdar tobynyń aldyn ala sóz baılasýymen birneshe ret qylmys jasaǵany anyqtaldy. Atalǵan tulǵalar kúdikti dep tanylyp, sotqa deıingi tergep-tekserý amaldary júrgizilýde», dedi Shymkent qalasy PD Ál-Farabı aýdany APB tergeýshisi Spandııar Zaınıdın.
Qazir sotqa deıingi tergeý amaldary júrgizilýde.
