«Bıyl dırektorlardyń rotasııasy bastalady. Aldyńǵy jyly zańnamany qabyldap, bekittik. Endi bıyl naqty myńnan astam dırektor rotasııaǵa ilinedi», dedi Ashat Aımaǵambetov.
Rotasııanyń erejeleri tómendegideı:
Birinshiden, bir bilim berý uıymynda 4 nemese 7 jyldan astam ýaqyt jumys istegen basshylar rotasııalanady.
Bul rette, osy bilim berý uıymynda laýazymǵa taǵaıyndalǵan kúnnen bastap 4 jyl jumys atqarǵan birinshi basshy rotasııadan ótinishi negizinde bosatylyp, tıisinshe qoldanystaǵy eńbek sharty sheńberinde óz jumysyn jalǵastyra alady.
Alaıda eger basshy atalǵan uıymda 7 jyldan astam ýaqyt jumys istese, onda ol mindetti túrde rotasııalanady. Osylaısha, bir bilim berý uıymyna jetekshilik etý merzimi 7 jyldan aspaýy tıis.
Ekinshiden, rotasııalaýdyń tómendegideı sharttary bar:
– rotasııalaýdy oblystardyń jáne respýblıkalyq mańyzy bar qalalardyń Bilim basqarmalary júzege asyrady;
– rotasııa bir eldi meken aýmaǵynda júrgiziledi;
– rotasııalaýdy bir deńgeıdegi uıym basshylary arasynda júrgizedi.
– rotasııalaý kezinde birinshi basshylardyń biliktilik sanaty, ıaǵnı atalǵan sanat úshin tólenetin qosymsha aqy da merzimi aıaqtalǵanǵa deıin saqtalady.
