Oralda 38 kásipkerdi aldaǵan seriktestik basshysy qamaýǵa alyndy

Batys Qazaqstan oblysynyń Oral qalasynda 38 kásipkerden 1 mlrd.teńgeni aldap alǵan seriktestik basshysy qolǵa tústi. Bul týraly «Habar» telearnasy habarlady. «Akela» jaýapkershiligi shekteýli seriktestiginiń jetekshisi Alına Hakalo Oral qalasyndaǵy kásipkerlerge ózin áleýmettik jobalardy qoldaıtyn AQSh-tyń USAID baǵdarlamasynyń jergilikti operatory retinde tanystyryp, olarmen grant qoryn qurý jóninde kelisim-shartqa otyrǵan. Osydan keıin kásipkerler onyń esep-shotyna qarjy aýdarypty. Sheteldik baǵdarlamanyń sharapatyn kórmek túgili óz aqshalaryn qaıtara almaǵan kásipkerler sharasyzdyqtan quqyq qorǵaý organyna aryzdanady. Artynan osy kelinshektiń Almaty jáne Aqtóbe oblystarynyń da kásipkerlerin taqyrǵa otyrǵyzǵany málim boldy. «Qazir Alına Hakalonyń ústinen qylmystyq is qozǵaldy. Onyń jábirlenýshilerge keltirgen zalal quny-1 mlrd.teńge»,-dedi Batys Qazaqstan oblysy boıynsha ishki ister departamenti tergeý basqarmasy bastyǵynyń orynbasary Maǵaýııa Qurmashev. Ámirhan Almaǵanbetov. Derekkóz: «Habar» telearnasy. Foto: Dumskaya.net.