«Saǵat 17:30-dan 18:00-ge deıin Tájikstannyń shekarashylary Batken oblysynyń Tórt-Kocho aýdanyndaǵy «Batken-Isfana» jolynyń ýchaskesin birjaqty tártippen jaýyp tastady», dep habarlady Qyrǵyzstannyń shekara qyzmeti.
Shekara qyzmetiniń oblystyq departamentiniń basshysy men Batken shekara otrıadynyń basshysy atalǵan jerge attandy. Shekaranyń osy ýchaskesinde ornalasqan áskerı qyzmetshiler kúsheıtilgen qyzmet rejımine aýystyryldy. Qyrǵyz tarapy shıelenisti báseńdetýge tyrysýda.
Tártipsizdikter Somonııon aýylynan Chorkýh jamaǵatyna bara jatqan Tájikstan azamattarynyń kólikterine tas laqtyrylǵannan keıin bastalǵany jaıly boljam bar.
Qazir eki jaqtan da jaýapty tulǵalar shekara mańyna jınaldy. Jaǵdaıdy áskerıler men qaýipsizdik kúshteri baqylaýda. Qazir Isfara-Osh joly jabyq.
24.kg agenttiginiń habarlaýynsha, tájikstandyq áskerıler aldymen qarýdan oq jaýdyryp, keıin mınometten oq atqan.
«Tórt-Kocho jáne Chır-Dobo aýdandarynda áskerı qyzmetshiler arasynda atys júrip jatyr. Tájik tarapy mınometter men granatometterdi qoldanyp jatyr», dedi jergilikti turǵyndardyń biri.
Ulttyq qaýipsizdik memlekettik komıtetiniń shekara qyzmeti bul aqparatty rastamaǵanymen, joqqa da shyǵarǵan joq.
Agenttik ázirge oqıǵanyń egjeı-tegjeıin baıandamady.
