«B.Shylaı men A.E.Mojanovtyń talaptary 2021-2022 jyldary Shyǵys Qazaqstan oblysynyń О́skemen qalalyq sotynda Memlekettik qyzmet agenttigi departamenti men Eńbekti qorǵaý boıynsha departamentiniń qatysýymen qarastyrylyp, onda barlyq qatysýshy tulǵalardyń is-áreketterine quqyqtyq baǵa berilgen jáne B.Shylaı men A.E.Mojanovtyń tarapynan bolǵan buzýshylyqtar rastalyp, ShQO TJD is-áreketinde teris qylyq anyqtalǵan joq», dep jazady Tótenshe jaǵdaılar departamenti bastyǵynyń orynbasary D.Tıtov.
1.Aýdandarda órt sóndirý tehnıkasy isten shyqqan kezde qosalqy bólshekterdi satyp alýǵa aqsha qarajaty bóline me?
– Qosalqy bólshekterdi satyp alý Memlekettik satyp alý josparyna sáıkes Qazaqstan Respýblıkasy Tótenshe jaǵdaılar mınıstrligi bóletin qarajat esebinen júzege asyrylady. Qosalqy bólshekterdi berý barlyq aýdandyq jáne qalalyq bólimshelerdiń qajettiligine qaraı júzege asyrylady.
2.Nelikten Katonqaraǵaı aýdanynyń órt sóndirý bóliminiń qyzmetkerleri qosalqy bólshekterdi óz esebinen satyp aldy?
– О́rt sóndirý bólimderiniń jeke quramy esebinen qosalqy bólshekterdi satyp alý týraly aqparat túsken joq. Qosalqy bólshekterdi satyp alý Memlekettik satyp alý portaly arqyly júzege asyrylady jáne qajettilik boıynsha bólimshe basshysynyń baıanaty boıynsha, sondaı-aq ruqsat qaǵazy boıynsha beriledi.
3.Eski tehnıka qashan jańartylady? Osy másele boıynsha sizdiń tarapyńyzdan qandaı da bir josparlar jasaldy ma?
– О́rt sóndirý tehnıkasyn satyp alýdy Qazaqstan Respýblıkasy Tótenshe jaǵdaılar mınıstrligi ortalyqtandyrylǵan túrde respýblıkalyq bıýdjet qarajatynan júzege asyrady. О́rt sóndirý bólimshelerinde órt tehnıkasyn jańartý jańa órt sóndirý avtomobılderiniń túsýine qaraı qaralady.
4.27-О́SB júrgizýshisi aǵa serjant Azat Mojanov nege jumystan bosatyldy? Sonymen qatar Rıdder qalasynyń 14 – О́SB bastyǵy Baqytbek Shylaı nege laýazymynan tómendedi? Naqty sebepterdi túsindirýlerińizdi suraımyz.
– Erikti túrde jumystan shyǵý týraly A.Mojanovtyń raportyna sáıkes, ol azamattyq qorǵaý organdarynan shyǵaryldy. Qyzmettik tergeý nátıjeleri jáne tártiptik komıssııanyń shyǵarǵan sheshimi boıynsha B.Shylaı óz fýnksıonaldyq mindetterin tıisinshe oryndamaǵany úshin laýazymynan tómendetildi.
Esterińizge sala ketsek, suraýymyzǵa bul jaýaptar Tótenshe jaǵdaılar departamenti bastyǵynyń orynbasary, polkovnık D.Tıtovtyń atynan kelgen edi.
P.S. Baqytbek Shylaı men Azat Mojanovtyń tarapynan bolǵan buzýshylyqtar rastalǵanymen, eki azamat ta atalǵan departamenttiń sheshimimen kelispeıtinderin alǵa tartyp, sotqa aryzdanǵan. Bolyp jatqan kelispeýshilikterge zań boıynsha núktesi áli qoıylǵan joq.
Shyǵys Qazaqstan oblysy
