Pýtın Qyrym táýelsizdigin moıyndaıtyn qujatqa qol qoıdy

Reseı Prezıdenti Vladımır Pýtın «Qyrym Respýblıkasynyń táýelsizdigin moıyndaý týraly» Jarlyqqa qol qoıdy. Bul týraly ITAR-TASS habarlady. «2014 jyly naýryzdyń 16-y kúni qyrymdyqtardyń qatysýymen Qyrym respýblıkasynyń táýelsizdigi men mártebesin aıqyndaý maqsatynda ótkizgen jalpyhalyqtyq referendýmnyń ótýine baılanysty Sevastopol qalasy táýelsiz el retinde jarııalanǵan memlekette aıryqsha mártebege ıe. Bul Jarlyq qol qoıylǵan kúnnen bastap kúshine enedi», - delingen habarlamada Búgin, 18 naýryz kúni V.Pýtın Kremlde Memlekettik Dýma depýtattary, Federasııa Keńesiniń músheleri, Reseıdegi aımaq basshylary men azamattyq qoǵam ókilderi aldyna shyǵyp, Qyrym Respýblıkasy men Sevastopol qalasynyń Reseı Federasııasy quramyna kirgendigin resmı túrde jarııalaıtyn bolady. Memlekettik Dýmanyń Reseı Konstıtýsııalyq sotyndaǵy ókili Dmıtrıı Vıatkınniń  atap ótkenindeı, Qyrymnyń táýelsizdigi moıyndalǵannan keıin ol eldiń Reseı quramyna kirgendigi ózge memleketterge jarııalanady.Al osydan keıin halyqaralyq kelisimge qol qoıylyp, atalǵan sýbektiniń Reseı Federasııasy quramyna kirgeni týraly jańa zań maquldanady. Aıdar О́risbaev. Derekkóz: ITAR-TASS Foto: Itar-tass.com.