– Bıylǵy qańtar bastalǵaly beri 5 myńǵa jýyq naýqas tirkeldi. Taldaý kórsetkendeı, qańtardyń alǵashqy aptasynda – 59, ekinshi aptada – 130, úshinshi aptada 1 936 adam koronavırýs ınfeksııasyn juqtyrdy. Al sońǵy aptadaǵy statıstıkaǵa súıensek, naýqastar sany 2 448-ge jetti, – deıdi Ásel Muqaeva.
Qazir ınfeksııalyq stasıonarlarda 362 naýqas em qabyldap jatyr. Olardyń arasynda 76 júkti áıel bar. Al óz úıinde 6 788 adam qaýipti vırýstan em-dom alý úshin oqshaýlanǵan. Jansaqtaý bólimindegi 19 naýqastyń 4-eýi ókpeni jasandy jeldetý apparatyna qosyldy.
Al 25 qańtarda Jylyoı aýdanynyń bas sanıtar dárigeri T.Habıbýllınniń qaýlysymen «Teńiz», «Prorva», «Morskoı» jáne olarǵa irgeles basqa da ken oryndarynda karantındik shekteý sharalary qaıta kúsheıtildi. Soǵan sáıkes kólikte, keńselerde, ashanalarda (tamaq ishý ýaqytyn qospaǵanda), turǵyn bloktarda jáne basqa da jabyq óndiristik emes nysandarda betperde kııý tártibin oryndaý, ınfeksııa juqtyrǵan adamdardy baqylaýǵa arnalǵan oqshaýlaýǵa baılanysty karantın rejiminiń saqtalýyn qamtamasyz etý usynylǵan. Ásirese «Teńiz» ken ornyna bógde kólik quraldarynyń kirip-shyǵýyna tyıym salyndy. Ilespe qujattamasy joq, ótý ýaqyty, qozǵalys marshrýty men qajet bolǵan jaǵdaıda qaıtý ýaqyty tirkelmegen kólik quraldarynyń qozǵalysyna jol berilmeıdi.
Osyndaı kúrdeli epıdemııalyq ahýal qalyptasqan Atyraýǵa Spýtnık Laıt vaksınasynyń 3 myń dozasy jetkizildi. Oblystyq densaýlyq saqtaý basqarmasynyń basshysy Ashan Baıdýálıevtiń túsindirýinshe, Reseı Federasııasynda shyǵarylǵan vaksınanyń dozalary Atyraý qalasyndaǵy №1, 2, 3, 4, 5, 7, Geolog, Damby jáne Erkinqala eldi mekenderindegi emhanalarda, sondaı-aq jeti aýdandyq ortalyq aýrýhananyń egý pýnktterine taratyldy.
Atyraý oblysy
