Kollajdy jasaǵan Qonysbaı ShEJIMBAI, «EQ»
Mashınıst-nusqaýshylar men jylý tehnıkteri jańashyldyqty joǵary baǵalady. Bul óndiristik qaýipsizdikti jaqsartyp, ártúrli qyzmettik aqparatty alýǵa kómektesedi jáne normatıvtik-tehnıkalyq qujattamany ózgertý boıynsha óz bastamalaryn usynady.
«Qosymsha boıynsha jumys ótken jyly júrgizildi. Jumys prosesteriniń barlyq ózgesheligi eskerilgen. Mobıldik qosymshany engizý «Energodıspetcherlik tartym» avtomattandyrylǵan basqarý júıesiniń fýnksıonalyn keńeıtý jobasy aıasynda sıfrly lokomotıv deposyna jasalǵan alǵashqy qadam boldy», dedi «QTJ-Júk tasymaly» JShS Bas dırektorynyń orynbasary Qanat Kóbesov.
Mobıldi qosymsha birneshe bólimnen turady. Qosymsha arqyly saparǵa taǵaıyndalǵan kelý kúni men ýaqyty týraly habarlamalar kelip túsedi. Qosymsha qyzmetteriniń birinde mashınıstiń reıtıngi avtomatty túrde júrgiziledi. Baǵalaýdyń negizgi krıterııleri: qaýipsizdik pen eskertý talondary buzylýynyń bolmaýy, lokomotıvti basqarý kezinde otyn nemese elektr shyǵyny týraly málimetter jáne taǵy basqalar. Júıe medısınalyq tekserýden ótkeni týraly aqparatty qamtıdy, mashınıske psıhologııalyq tekserýden nemese medısınalyq tekserýden ótý qajettiligi týraly eskertedi.
Qosymshada mashınıstiń jumysyna qajetti buıryqtarmen, normatıvtik qujattarmen tanysýǵa bolady. Reıs aldyndaǵy nusqaýlyqtar bóliminde oqý úshin materıaldar usynylsa, bul daıyndyq ýaqytyn qysqartady. Munda onlaın-testen ótýge bolady, sodan keıin nusqaýlyqtan ótkeni nemese ótpegeni jóninde mártebe beriledi.
Qosymsha arqyly mashınıster tartym quramynyń jaǵdaıyna monıtorıng júrgizedi, ony bes baldyq júıe boıynsha baǵalaıdy. Lokomotıvtiń elektrondy borttyq jýrnalyna foto jáne beınefaıldarmen birge syn-eskertpeler engiziledi. Sodan keıin derekter lokomotıvtiń elektrondy pasportyna jiberiledi, onda saparlar men jóndeý tarıhy, TER shyǵyny týraly derekter jazylady. Qosymshada lokomotıv reıtıngi, senimdilik, tozý esebi júrgiziledi, aqparattyq blok qarastyrylǵan: arnaıy taspada kompanııa boıynsha sońǵy jańalyqtar ornalastyrylady. Keri baılanys jasalǵan, bul úshin jumysty jaqsartý, normatıvtik-tehnıkalyq qujattamanyń paıdalylyǵyn baǵalaý boıynsha talqylaý jáne óz bastamalaryn usyný forýmy ashylǵan.
