Elbasy atyna Almaty oblysyndaǵy shaǵyn jáne orta bıznes ókilderinen jedelhat pen hattar keldi

Avtorlar Memleket basshysy qol qoıǵan «Qazaqstan Respýblıkasynda kásipkerlik qyzmet úshin jaǵdaıdy jaqsartý jónindegi túbegeıli sharalar týraly» Jarlyq aıasynda qabyldanǵan sheshim úshin rızashylyqtaryn bildirdi.  Bul týraly Aqorda.kz habarlady. Atap aıtqanda, Tekeli qalasyndaǵy «Kaktas» JShS dırektorynyń orynbasary N. Gonteı shaǵyn jáne orta bıznes sýbektilerin josparly tekserýge moratorııdi qajetti shara jáne bıznesmenderdi naqty qoldaý dep atady. «Mramor-Tas» JShS atqarýshy dırektory M. Qapsalaev tekserýge moratorıı kásipkerlerge shynaıy qamqorlyqty kórsetetin qadam ekenin atap ótken. «Bul bizge, birinshi kezekte, kóp jaǵdaıda eshqandaı negizsiz, kenetten bolatyn tekserýlerdiń kesirinen ýaǵdalastyq mindettemelerimiz buzylady-aý dep qoryqpaı, óz bıznesimizdi naqty josparlaýǵa múmkindik beredi», – delingen hatta. Shonjy aýylynyń kásipkeri R. Baratova Qazaqstan Prezıdentiniń sheshimi kásipkerlikti qoldaýdaǵy jańa túbegeıli ózgeristerdiń bastaýy bolatynyna senim bildirgen. О́tegen batyr kentindegi «Jolbarysty» JShS dırektory G. Seıtasanova Memleket basshysyna elimizde bıznestiń damý máselelerine turaqty kóńil bolyp otyrǵany úshin rahmetin aıtady. «Tekserýlerge moratorıı bizge qyzmetkerlerimizdiń otbasylarynyń ál-aýqatyn arttyrýǵa, ortaq úıimiz – Qazaqstan Respýblıkasynyń ekonomıkasyn kóterýge septigin tıgizetin qazirgi jobalarymyzdy júzege asyrýǵa jáne jańalaryn ázirleýge den qoıýǵa múmkindik beredi», – dep jazady avtor. Derekkóz: Aqorda. kz. Foto: Astana.gov.kz.