Sileýsinniń de suraýy bar

Quqyq buzýshylyqtardyń aldyn alý maqsatynda 19 qańtardan bastap Shyǵys Qazaq­stan oblysynyń polı­seı­leri kúsheıtilgen rejimde qyzmet ete bastaǵan. Jedel aldyn alý is-sharasynyń al­ǵash­qy alty kúninde ǵana 138 qylmys tirkelip, onyń 93-i ashyldy. Budan basqa, «Quqyqtyq tártip» sheń­be­rinde 2533 ákimshilik quqyq buzýshylyq anyqtaldy. Onyń ishinde usaq buzaqylyq, ty­nyshtyqty buzý, qoǵamdyq oryndarda spırttik ishim­dik­ter ishý, kámeletke tolma­ǵandardyń túngi ýaqytta tur­ǵyn úıden tys jerde bolýy, taǵysyn taǵy. Ýchaskelik polı­sııa ınspektorlardyń qa­tysýymen 1160-qa jýyq jal­damaly páter, 72 qaraýsyz qalǵan úı, 1747-den astam saıajaı tekserildi.

Sonymen qatar jedel aldyn alý is-sharasy kezinde polıseıler jol erejesin buzǵan kólik júrgizýshilerin anyqtap, ákimshilik jaza qoldanysty. Osy ýaqyt ishinde oblys joldarynda 27 júrgizýshi mas kúıinde kólik tizgindep, ustalǵan eken. Basqasyn qoı­ǵanda, spırttik ishimdik iship, temir tulpar tizginine otyrý – ózine ǵana emes, ózgege de qaýipti ekenin jaza-jaza jaýyr etkenbiz. Sonyń ózin­de zańǵa baǵynbaı júrgen júr­gizýshiler barshylyq. Mas kúıde qolǵa túsken ol aza­mat­tardyń avtokólikteri arnaıy turaqqa qoıylyp, ózderi zań aıasynda jaýap beredi.

Al sileýsin aýlaǵan ańshy­lar 21 qańtar kúni anyq­talǵan. Terisin kádege jaratamyz dedi me eken, kim bilsin, Ulan aýdany, Kamenka aýylynyń mańyndaǵy Hansar ýchaskesine ıt ertip shyqqan. Ruqsatsyz ań aýlaǵandaryna qarasaq, jedel aldyn alý is-sharalary júrip jatqanyn bilmese kerek. Áıt­pese, ár qadamyn ańdyp basar ma edi?! Ulan aýdandyq polı­sııa bólimine qarasty tabı­ǵatty qorǵaý polısııa toby­nyń aǵa ınspektory Áset Sábıev Hansar ýchaskesinde ıttermen, eki sileýsindi zań­syz aýla­ý faktisin anyqtap úlgirgen. Atalǵan fakti boıynsha tıisti ruqsatsyz ań aýla­ǵan Ka­menka aýylynyń 32 jáne 49 jas­taǵy eki turǵyny  ÁQBtK-niń 382-baby, 1 bóligi, ıaǵnı «Janýarlar dúnıesin paıdalaný talaptaryn jáne ań aýlaý qaǵıdalaryn buzý» boıynsha ákimshilik hattama toltyryldy. Árqaısysyna 50 AEK kóleminde aıyppul salyndy.

Statıstıkalyq derekterge qarasaq, qylmys azaıar emes. Aıyppul salynyp, temir torǵa toǵytylǵanymen, túgeli tártipke baǵyna bermeıtini ómir zańdylyǵy. Aınalyp kel­gende, «tárbıe – tal besik­ten bastalýy» kerek shyǵar.

Shyǵys Qazaqstan oblysy