Qarýlanǵan ekstremıster Lıvannyń soltústigindegi Trıpolı qalasynda áskerı kúzetterge shabýyl jasady, dep habarlaıdy ITAR-TASS agenttigi.
«Al-Manar» telearnasynda aıtylǵandaı, sodyrlar Sýk-el-Hodr aýdany men An-Nasyrı meshiti mańyndaǵy áskerı kólikter men beketterge oq jaýdyrǵan. Degenmen, Lıvan áskerleri shabýyldyń betin qaıtaryp, bes sodyrdy qolǵa túsirgen.
О́tken aptada radıkaldy top músheleri bir sarbazdy mert qylyp, altaýyn jaralaǵan. Sýnnıtter men alavıtter aýdanynda jaýlasqan toptardyń qaqtyǵystaryn basý úshin Trıpolıge qosymsha ásker kirgizildi. Qarýly qaqtyǵystardan sońǵy eki táýlik ishinde 12 adam qaza bolyp, 96-sy jaraqat aldy. Úkimet basshysy Tamam Salıam áskerı qyzmetkerlerden memleket astanasyndaǵy qantógisti toqtatýdy talap etti.
Keshe Lıvan ásker kúzeti Trıpolıdiń soltústigindegi Vadı-Haled eldi mekeninde Sırııanyń 19 sodyry men Lıvannyń 2 azamatyn ustady. Olardan qarý-jaraq, oq-dári men baılanys quraldary tárkilengen. Sondaı-aq áskerı qyzmetkerler Bekaa alqabynda eki mınalanǵan avtokólikti zalalsyzdandyrdy.
Aıdar О́risbaev.
Derekkóz: Itar-tass.com.
Foto: Itar-tass.com.
