«Eldi mekenderdi aralap, turǵyndarmen kezdesýmen qatar apta saıyn azamattardy qabyldap turamyz. Búgin kezekti ret onlaın formatta 8 otbasyn qabyldadym. Qabyldaý barysynda qoıylǵan suraqtardyń basym bóligi erekshe qajettiligi bar adamdarǵa kómek kórsetýge qatysty boldy. Jyldan jylǵa ońaltý ortalyqtarynyń jelisi keńeıtilip, mektepterde ınklıýzııa kabınetterin ashylyp jatyr. Sol sııaqty jańa turǵyn úı keshenderiniń birinshi qabatynda ońaltý, shaǵyn ortalyqtaryn ornalastyryp jatyrmyz», dedi elorda ákimi.
Azamattardy qabyldaýda kóterilgen máselelerdi josparǵa engizetinin de aıtty.
«Byltyr kórý qabileti buzylǵan balalarǵa arnalǵan mamandandyrylǵan balabaqsha ashtyq (Kenesary kóshesi, 9/1, Saryarqa aýdany). Balabaqshada pedagogtermen qatar medısına qyzmetkerleri de balalarmen jumys isteıdi. Erekshe qajettiligi bar adamdardy áleýmettendirý úshin ınklıýzıvti «Qanattylar» teatry ashyldy. Sondaı-aq paralımpıadalyq jattyǵý ortalyǵymen birlesip, erekshe qajettiligi bar adamdarǵa arnalǵan sport keshenin salamyz, al ońaltý ortalyqtary jelisin keńeıtý boıynsha jumys jalǵasyp jatyr. Azamattardy qabyldaýda kóterilgen máselelerdi josparymyzǵa engizemiz», dep jazdy Altaı Kólginov.
