«Ujymdyq qaýipsizdik týraly shart uıymy bizdiń ortaq uıymymyz bolyp tabylady. Qazaqstan 1992 jyly bul uıymnyń qatysýshysy retinde ony qurýǵa qatysty. Elbasy Nursultan Nazarbaev tıisti bastama kótergen bolatyn. Esterińizge sala keteıin, uıym 1992 jyldyń mamyr aıynda, shamamen 30 jyl buryn qurylǵan. Iаǵnı, UQShU-ǵa ótinish bildire otyryp, men bóten adamdarǵa júginbedim, is júzinde odaqtastaryma júgindim», dedi Prezıdent.
Memleket basshysynyń aıtýynsha, UQShU bitimgershilik kontıngentin tartý uıymnyń sharttyq qujattaryna sáıkes oryndalǵan. Qazaqstanǵa kelgen bitimgershilik kontıngenti birde-bir oq atqan joq. Basynan bastap bul kontıngent strategııalyq obektilerdi kúzetedi degen kelisim bolǵan.
«Bitimgershilik kontıngentiniń Qazaqstanǵa kelýi týraly habardyń ózi lańkesterge qarsy jasalǵan mańyzdy psıhologııalyq shabýyl bolǵanyn da atap ótken jón. Birikken kontıngentte Reseıden basqa Belarýs, Tájikstan, Armenııa jáne Qyrǵyzstannyń áskerı bólimderi boldy», dep qosty Qasym-Jomart Toqaev.
