«Birinshiden, Qytaı – qudaı qosqan kórshimiz. Biz kórshimilerimizdiń orynyn aýystyra almaımyz ǵoı. Ekinshiden, Qytaı – ekonomıkalyq damý turǵysynda óte zor jetistikke jetken el. Kórshimiz joǵary tehnologııalar men jasandy ınetelkt boıynsha ozat eldiń biri. Sondyqtan, árıne, biz birlesip jumys isteýge tıispiz. Biz Qytaı naryǵyna táýeldimiz. Strategııalyq ónim shyǵaratyn barlyq iri kásipkerlerimiz Aýyl sharýashylyǵy ónimderin óndirýshiler qytaı naryǵyna ıek artady. Muny joqqa shyǵara almaımyz. Qytaıǵa qarsy narazylyq uıymdastyryp júrgenderdiń saıası maqsaty bolýy múmkin. Nemese ekonmıkalyq shyndyqtan múlde beıhabar. Tipti olar álemdik qaýymdastyqta jahandyq saıası qaqtyǵysqa múddeli bilgili bir uıymnan qarjylandyrylatyn shyǵar. Sondyqtan bul jerde ksenofobııaǵa jol bermeý kerek. Qytaı búgingi kúnge deıin bizge eshqandaı jamandyq jasaǵan joq», dedi Memleket basshysy.
Prezıdent sondaı-aq birneshe kún buryn «Ortalyq Azııa – Qytaı» atty memleket basshylarynyń sammıtine qatysqany jaıly aıtyp, ekijaqty saýdanyń damyp kele jatqanyn tilge tıek etti.
«Ekijaqty saýda jańa rekordtyq deńgeıge jetip otyr. О́tken jyldyń 11 aıynyń qorytyndysy boıynsha bul kórsetkish 17 mıllıard dollarǵa deıin jetken», dedi Qasym-Jomart Toqaev.
Prezıdent qytaılyq seriktesterin jan-jaqty qoldaýǵa múddeli ekenin aıtty.
«Biz Qytaıdy zerttep, tilin meńgerýimiz kerek. Bul eki qolymyzda kókke kóterip, sol elge qosylý degendi bildirmeıdi. Kerisinshe, osyndaı alyp elmen jaqsy qarym-qatynasta bolýymyz kerek», dedi Memleket basshysy.
