Bul rette Nur Otan partııasynan saılanǵan depýtattarǵa úlken jaýapkershilik júktelip otyr. Memleket basshysy partııa ózgerýi kerek degen oıdy aıtty. Menińshe, elimizdegi iri saıası qurylym birinshi kezekte ashyqtyqqa aıryqsha mán berýi kerek. Ásirese partııa fraksııasy barynsha ashyq bolýy kerek. Iаǵnı partııa da, partııa atynan saılanǵan depýtattar da halyq alynda esep berýdi qalypty ádetke aınaldyrýy kerek.
Prezıdent baıandamasynan keıin árkim partııany qalaı ózgertýge bolady degen saýalǵa jaýap izdep, oı-pikirlerin bildirýde. Osy oraıda men de az-kem pikir aıtýdy jón kórip otyrmyn. Menińshe, halyqty keńsede otyryp qabyldaýdy azaıtý kerek. Halyqtyń senimine ıe bolý úshin halyqtyń ishinde júrgen durys. Keńseden tys jerde kezdesýler uıymdastyryp, turǵyndardyń betpe-bet kelip otyrǵan túıtkildi máselelerimen tanysýy kerek. Negizi mundaı jumystar buryn da júrgiziletin. Endi sony odan ári kúsheıte túsken abzal jáne bul jasandy bolmaǵany durys.
Prezıdent aıtqandaı, el ishindegi partııa bedelin ósirý mańyzdy. Bul rette partııanyń organdaryn tıimdi paıdalaný kerek. Partııa belsendi jastardy kóbirek tartý kerek jáne olar ártúrli salanyń ókili bolýǵa tıis. Sonymen qatar partııa qataryna shaǵyn jáne orta bıznes ókilderi alynýy kerek.
Jalpy alǵanda, Prezıdent qoldan keletin jáne oń nátıje beretin tapsyrmalar júktedi. Endi ony sapaly ári tııanaqty oryndaý kerek.
Berik BIIаTOV,
«Temirmash» zaýytynyń dırektory
Pavlodar oblysy
