Partııada eki jyl ishinde reforma júrip, praımerız ótkizilip, qoǵammen tyǵyz baılanys tetikteri jasaldy. Osy tendensııany tereńdetý mańyzdy. Endi Nur Otan partııasynyń aldynda qoǵamnyń, azamattardyń, adamdardyń saıası, ekonomıkalyq múddelerin qorǵaýǵa qabiletti uıymǵa aınalý mindeti tur. О́te aýyr mindet. Osy mindet údesinen shyǵa alsaq, partııa naqty «parlamenttik» reńk alyp, progressıvti uıymǵa aınalady.
Ol údeden shyǵý úshin ne isteý kerek ekendigin partııa Tóraǵasy Qasym-Jomart Toqaev jan-jaqty aıtyp berdi. Barlyq saıası kúshterge «Ashyq esik» saıasaty partııanyń eń basty qundylyǵy bolýy kerek.
Partııaǵa rebrendıng qajet. Atyn ózgertý kerek shyǵar. Ony da oılaný kerek. Iаǵnı partııanyń aldynda óte kúrdeli, qıyn, qym-qıǵashy mol sapar tur. Partııanyń ıntellektýaldyq potensıaly, adamı kapıtaly, ujymdyq sanasy osy maqsatqa jetýge qabiletti dep oılaımyn.
Qazaqstan Respýblıkasy óziniń saıası tarıhynda birinshi ret asa kúrdeli, shuǵyl burylystary kóp saıası-ekonomıkalyq reformany basynan keshirip jatyr. Memlekettilikti saqtap qalý úshin bul ózgerister baqylaýdan shyǵyp ketpeýi kerek.
Memlekettilikten aıyrylyp qalý bir ǵana mezette ekendigin «Qasiretti qańtar» kórsetti. Qasym-Jomart Toqaevtyń partııa Tóraǵasy laýazymyna kelýiniń ózi osy logıkaǵa baılanysty. Iаǵnı Nur Otan-nyń parlamenttegi fraksııasyn paıdalanyp, Úkimetke yqpalyn kúsheıte otyryp tezirek, ekonomıkalyq tıimdilikke jetý.
О́ıtkeni qazir bizdiń barlyǵymyzǵa – halyqqa, azamattarǵa olardyń ómiriniń jaqsaryp kele jatqany jóninde naqty «belgi» qajet. Prezıdent – Qazaqstannyń memlekettiligi úshin jaýapty birden-bir tulǵa. Bul óte aýyr júk! Sondyqtan ol kisi júıeli túrde, birte-birte, jan-jaǵyn baǵdarlap, on ret oılana otyryp sheshim qabyldaýy qajet.
Erlan SAIROV,
Májilis depýtaty
