2019 jyldan beri atalǵan kompanııa jyl saıyn Qazaqstannyń eńbek naryǵynyń eńbekaqylaryna sholýlarǵa qatysyp júr. Taý-ken óndirý sektoryndaǵy tıisti kórsetkishter men ınflıasııa deńgeıi óndiristik personaldyń eńbegine aqy tóleý deńgeıiniń baǵdary bolyp qala bermek.
Naqty aıtqanda, 2022 jyldyń 1 qańtarynan bastap, birinshi kezekte, operasııalyq personal, ıaǵnı jumysshy kásipter men qatardaǵy mamandardyń jalaqysy 10%-dan 30%-ǵa deıin kóbeıedi. Bul rette qoldanystaǵy jalaqy deńgeıi eńbekaqy tóleýdiń salalyq kórsetkishterinen tómen bolǵan qyzmetkerlerde jalaqynyń ósýi joǵary bolady.
Kompanııa turaqty negizde eldegi makroekonomıkalyq jaǵdaıdy zertteıdi, jalaqynyń básekege qabilettiligine taldaý júrgizip otyr. Qajet bolǵan jaǵdaıda qyzmettiń óndiristik jáne qarjylyq nátıjelerin eskere otyryp, eńbekaqy deńgeıin túzetedi.
«Pandemııadan týyndaǵan qıyndyqtarǵa qaramastan, biz kompanııa qyzmetkerleriniń ál-aýqatyn arttyrýdy jalǵastyrýǵa kezekti ret sheshim qabyldadyq. Bul bizdiń qatysatyn óńirlerdi qoldaýmen qatar, áleýmettik qyzmetimizdiń mańyzdy basymdyqtarynyń biri bolyp tabylady», deıdi «Altynalmas AK» AQ basqarma tóraǵasy Dııar Qanashev.
«Altynalmas AK» AQ – tolyq geologııalyq, taý-ken óndirý jáne altyn óńdeý sıkli. Kompanııanyń Qazaqstannyń tórt aımaǵynda aktıvteri, atap aıtqanda Qaraǵandy oblysy Aqtoǵaı aýdanyndaǵy «Pýstynnoe» jobasy, Jambyl oblysy Moıynqum aýdanyndaǵy «Aqbaqaı» jobasy, Shyǵys Qazaqstan oblysyndaǵy «Mızek» ken orny, sondaı-aq Aqmola oblysyndaǵy «Aqsý-2», «Jolymbet», «Aqsý KG» jobalary men «Qazaqaltyn TKMK» AQ nysandary bar.
ALMATY
