Sharaına
8 naýryz kúni Malaızııanyń astanasy Kýala-Lýmpýr qalasynan Qytaı astanasy Pekınge ushyp shyqqan Boıng-777 jolaýshylar ushaǵy áli tabylmaı otyr. Búginde ony izdeý aýmaǵy barynsha keńeıtile túsýde. Osy aralyqta qazaqstandyq dıspetcherler ushaqtyń el aýmaǵyna ótpegenin málimdedi. Qazirgi kezde Boıngti izdestirýge Qytaı tarapy da kirisip ketti. О́ıtkeni, ushaqtaǵy jolaýshylardyń úshten ekisi osy el azamattary bolatyn. Onyń ústine joǵalǵan ushaq bortyndaǵy qytaılyqtardyń týǵan-týysqandary Malaızııanyń Boıngti izdestirýdegi dármensizdigine narazylyqtaryn bildirip jatyr. Endi joǵalǵan áýe kemesi Avstralııa qurlyǵy mańynan da izdestirilmek. Qajettilik bolmaı qalǵan Taıland basshylyǵy 19 naýryz, búginnen bastap eldegi jappaı narazylyqtarmen baılanysty engizilgen tótenshe jaǵdaı rejimin alyp tastaý týraly sheshim qabyldady. Bul rejim kem degende 30 sáýirge deıin jalǵaspaq. Bıliktegilerdiń aıtýlarynsha, sońǵy ýaqyttarda tótenshe jaǵdaı rejimin ustap turýǵa qajettilik bolmaı qalǵan.
Qajettilik bolmaı qalǵan degende, keıingi kezderi Taılandtaǵy narazylyq sharalary álsireı túskenge uqsaıdy. Buǵan qosa, rejimdi alyp tastaý jóninde bıznes ókilderi ótinish túsirse kerek. Sebebi, eldegi turaqsyzdyq týrıster aǵymynyń aıtarlyqtaı azaıýyna alyp kelgen. Al Bangkok pen el astanasyna jaqyn jatqan provınsııalarda tótenshe jaǵdaı rejimi ústimizdegi jyldyń 22 qańtarynda úkimet basshylyǵyna saılaý nátıjesine narazylar kóptep boı kórsetip, jappaı tártipsizdikter oryn alǵan soń engizilgeni belgili.
Qysqa qaıyryp aıtqanda:
Fransııada polısııa qyzmetkerleri «Fessenhaım» AES-i aýmaǵyna enip ketken 17 belsendi ekologty qamaýǵa aldy. AES aýmaǵyna barlyǵy 40 adam ótken eken. Olar kónergen stansany jabýdy talap etken. Belsendilerdiń pikirinshe, tozǵan AES búkil Eýropaǵa qaýip tóndirýi yqtımal. ITAR-TASS agenttigi keńestik kezeńdegi ataýy – TASS ataýyna qaıta oralatyn boldy. «Rossııskaıa gazetanyń» habarlaýynsha, mundaı sheshim agenttiktiń 110 jyldyǵyn merekeleýge daıyndyq boıynsha uıymdastyrý komıtetiniń májilisinde qabyldanǵan. Bul bastama biraýyzdan qoldaý tapqan. Endi sońǵy sózdi agenttiktiń quryltaıshysy – Reseı úkimeti aıtatyn bolady. Ekstremıske – 10 jyl túrme Tájikstannyń Gafýr aýdanynda shashtaraz bolyp isteıtin Hamıdov degen bireý ıslamshyl «Hızb-ýt-Tahrır» uıymyna qatysqany úshin 10 jyl merzimge bas bostandyǵynan aıyryldy. Tergeý derekterine qaraǵanda, Hamıdov atalǵan uıym qataryna 2005 jyly kirse, shashtaraz bolyp jumys isteı júrip, uıym músheleriniń tapsyrmalaryn oryndap kelgen. Ony arnaıy qyzmet oryndary ústimizdegi jyly qamaýǵa alǵan, biraq naqty qaı kezde ekeni aıtylmaıdy. Endi Hamıdov jazasyn kúsheıtilgen rejimdegi kolonııada óteıtin bolady. «Hızb-ýt-Tahrır» (Islam azat etý partııasy) uıymyna kelsek, ol aldyna ıslam memleketin qurýdy maqsat etip qoıatyny málim. Oǵan kóptegen elderde, onyń ishinde Qazaqstan da bar, tyıym salynǵan. Resmı derekke sáıkes, Tájikstanda qazirgi kezde «Hızb-ýt-Tahrırdiń» 500 múshesi qamaýda otyrǵan kórinedi. «Progresshilerdiń» saılaýdaǵy jeńisi Serbııada kezekten tys parlamenttik saılaý bolyp ótti. Endi jeńiske jetken «Serbııa progressıvti partııasynyń» serkesi Aleksandr Výchıch premer-mınıstr portfelin ıelenetin boldy. Sóıtip, ol parlamenttik kópshilikti basqa partııalarmen koalısııaǵa birikpeı-aq óz betinshe qalyptastyra alady. Respýblıkalyq saılaý komıssııasynyń derekteri boıynsha, «progresshiler» saılaýshylardyń shamamen 50 paıyz daýysyn alǵan. Bul olarǵa jobamen alǵanda 160 depýtattyq oryntaqty ıelenýge múmkindik beredi. Ekinshi orynda is basyndaǵy premer-mınıstr Ivısa Dachıch jetekshilik etetin «Serbııa sosıalıstik partııasy» tur. «SSP» saılaýshylardyń 15 paıyzdaı daýysyn alsa, parlamentte 50 orynnan úmiti bar. Úshinshi, tórtinshi oryndardaǵy «Demokratııalyq partııa» men «Jańa demokratııalyq partııa» 5 paıyzdyq kedergini zordyń kúshimen bolsa da eńsere alypty. «Aǵash túbindegi» mol qazyna Kalıfornııa shtatynyń soltústiginde mol baılyq tabyldy. Sarapshylardyń sózderine qaraǵanda, odan 10 mln. dollarǵa deıin tabys tabýǵa bolady. Qazynanyń quramyna 1427 altyn tıyn kiredi. Olardyń nomınaldy quny – 27 myń dollar.
Qazynany taýyp alǵan erli-zaıypty Merı men Djon (tekteri aıtylmaıdy) ony satýdy kózdep otyr. Al tıyndar týraly kóp nárse belgisiz. Belgilisi – kópshiligi San-Fransısko qalasyndaǵy tıyn saraıynda soǵylypty. Basqa qalalarda shyǵarylǵandary da bar, biraq olar az. Erli-zaıyptylar qazynany ózderiniń ıtterimen qydyrystap júrip taýyp alǵan. Jerden bir nárseniń ushy shyǵyp turǵanyn kórgen olar jaqyndap kelgende qańyltyr bankini baıqaǵan. Alyp shyǵyp qarasa, ishinde kileń muqııat jınalǵan altyn tıyndar eken.
Djekpot ıesi – avtoslesar
Buǵan deıin Ulybrıtanııada belgisiz bireý 107,9 mln. fýnt sterlıng lotereıa djekpotyn utyp alǵany habarlanǵan bolatyn. Endi onyń kim ekeni belgili bolyp otyr. Aıaq astynan mıllıoner atanǵan baqyt ıesi avtoslesar bolyp shyqty. Onyń qaýipsizdigi úshin ázirshe aty-jóni aıtylmaýda.
Lotereıany uıymdastyrýshylardyń sózderine qaraǵanda, avtoslesar utysyna kelip te úlgergen. Jaqynda ol otandastaryna tanystyrylatyn bolady. 107,9 mln. fýnt sterlıng utys ústimizdegi jylǵy Ulybrıtanııadaǵy eń iri utys bolyp tabylady. Baqytty bılet satyp alǵan avtoslesar lotereıa djekpotyn utyp alǵan eń baı adamdardyń tiziminde tórtinshi tur. Birinshi orynǵa 2011 jyly 161 mln. fýnt sterlıng utyp alǵan Kolın jáne Krıs Ýıerler ornalasypty.
Internet materıaldary negizinde ázirlengen.
