Kompanııa málimetinshe, Mańǵystaý oblysyndaǵy О́zen ken ornynda qosymsha barlaý jumystary arqyly jańa munaı shoǵyrlary ashyldy. Nátıjesinde alynatyn munaı qory 39,9 mıllıon tonnaǵa artqan.
Kómirsýtegi qorlarynyń artýy kompanııanyń ekonomıkalyq kórsetkishterine aıtarlyqtaı áser etetini habarlandy.
«2017 jyly «QazMunaıGaz» UK AQ, «О́zenmunaıgaz» AQ, «QMG Injınırıng» JShS jáne «QMG Injınırıng» fılıalynyń geologtar toby О́zen ken ornyn jete barlaýdyń egjeı-tegjeıli baǵdarlamasyna bastamashylyq etti. Osy baǵdarlama sheńberinde 2017-2021 jyldar ishinde 3D (368 sharshy kılometr) joǵary sheshimdi seısmıkalyq barlaý túsirilimi júrgizildi, uńǵymalardyń búkil qory (7500-den astam) qaıta pysyqtaldy, geologııalyq tujyrymdama qaıta qaraldy jáne 3D-geologııalyq model qaıta jasaldy. Júrgizilgen jumystardyń nátıjeleri boıynsha ken ornynyń qurylymy naqtylandy jáne munaıdyń jańa shoǵyrlary tabyldy. Júrgizilgen jumystardyń nátıjesinde О́zen ken ornynyń munaı qory 8 paıyzǵa kóbeıdi, bul sandyq mánde alynatyn qorlardyń 39,9 mıllıon tonnasyn quraıdy», delingen habarlamada.
