«Kommersııalyq emes uıymdar týraly» Qazaqstan Respýblıkasy Zańynyń 41-babynyń 5-tarmaǵyna sáıkes málimetter jyl saıyn 31 naýryzǵa deıin usynylýy tıis.
ÚEU Derekqoryna málimet usyný memlekettik áleýmettik tapsyrys jáne memlekettik granttar sheńberinde áleýmettik baǵdarlamalardy jáne (nemese) áleýmettik jobalardy iske asyrýǵa, sondaı-aq ÚEU úshin syılyq alýǵa arnalǵan konkýrsqa qatysý úshin mindetti shart bolyp tabylady. ÚEU Derekqorynda bolý uıymdarǵa ÚEU-nyń tabysty jobalarymen tanysýǵa, tájirıbe almasýǵa, yntymaqtastyq pen seriktestik ornatýǵa múmkindik beredi.
Málimetter ÚEU óz qyzmeti jónindegi málimetterin usyný jáne olar týraly derekqordy qalyptastyrý Qaǵıdalaryna sáıkes usynylady.
Siz óz uıymyńyzdyń qyzmeti týraly málimetterdi kelesi tásilderdiń biri arqyly usyna alasyz:
1) ÚEU Derekqorynyń https://infonpo.gov.kz/ ınternet-portaly arqyly (ınternet-portalda avtorızasııadan ótý HQKO-da alynǵan zańdy tulǵanyń ESQ kiltiniń kómegimen múmkin bolady);
2) ýákiletti organǵa qaǵaz jáne elektrondyq tasyǵyshtarda (Word formatynda CD-dıskterde nemese USB-flesh-jınaqtaýshylarda) poshta arqyly nemese qolma-qol usynady (Qazaqstan Respýblıkasy Aqparat jáne qoǵamdyq damý mınıstrliginiń Azamattyq qoǵam isteri komıteti, Nur-Sultan qalasy, Máńgilik El dańǵyly 8, «Mınıstrlikter Úıi», 14-kireberis).
ÚEU Derekqorynyń https://infonpo.gov.kz/ ınternet-portalyna kirgen kezde Siz portalmen jumys isteý boıynsha qadamdyq algorıtm berilgen nusqaýlyqpen tanysa alasyz.
ÚEU Derekqoryna málimetterdi usynbaý, ýaqytyly usynbaý jáne anyq emes nemese jalǵan málimetter usynylǵan jaǵdaıda Qazaqstan Respýblıkasynyń zańnamasyna sáıkes jaýapkershilik kózdelgen.
