Seriktestik dırektory Qadyrjan Qultekenovtiń aıtýynsha, jańǵyrtýdan ótken zaýyttyń qýaty eki ese artyp, jylyna 57 myń tonna metall quımalary óndiredi. Qazir munda 130 adam jumys isteıdi. Bolashaqta jumysshylar sany 240-qa deıin kóbeıip, eki aýysymmen metall quımalaryn daıyndaý kózdelip otyr. Zaýytty jańǵyrtý úshin qajetti qural-jabdyqtar shetelden jetkizilgen. О́ndiris orny 90 paıyz avtomattandyrylǵan. Qazirdiń ózinde kórshiles elderden suranys túsip jatyr. Aldymen О́zbekstan Respýblıkasyna metall quımalary jiberile bastamaq.
– Aldaǵy maqsatymyz – metaldy tereń óńdeý. О́ıtkeni muny otandyq naryqty ǵana emes, eksportqa daıyn ónim shyǵarý úshin qajetti joba dep esepteımiz. Bizdiń bul jobamyz Qulsary atalatyn monoqala ekonomıkasyn ártaraptandyrýǵa yqpal etkenin qalaımyz, – deıdi Q.Qultekenov.
«MetallProdýkt» JShS-niń zaýytynda uzyndyǵy 6 metr, salmaǵy 1 070 kılogramm bolatyn metall quımalary shyǵarylyp jatyr. Tapsyrys berýshiniń qalaýyna saı quımalardyń pishini ózgeredi.
– Metall quımalaryn shyǵaratyn zaýyttyń qurylysy 2008 jylǵy 15 qazanda bastalǵan edi. Metall balqytý, qyzdyrý peshinen alǵashqy ónim 2012 jyly alyndy. Bastapqyda zaýytqa Úndistannan 7 tonna metaldy elektrmen balqytatyn eki pesh satyp aldy. Sodan beri qurylys ındýstrııasyna qajetti metall quımalary turaqty shyǵaryldy. Al 2018 jyly zaýyttyń qýatyn arttyrý úshin qaıta jańǵyrtý jumystaryn júrgizýge sheshim qabyldadyq. Osylaısha, Túrkııadan 10 tonna metaldy balqytatyn elektr peshi men álemdik standartpen bolat quımalaryn daıyndaıtyn qondyrǵy ákelip ornattyq. Qazir bizdiń ónimimizdi О́zbekstan Respýblıkasynyń eki zaýyty alýǵa kelisim berip otyr. Zaýytty qaıta jańǵyrtýǵa 2 mlrd 800 mln teńge ınvestısııa salyndy, – deıdi Q.Qultekenov.
Atyraý oblysy
