«Mektep oqýshylary arasynda koronavırýs ınfeksııasynyń kóbeıgenin eskerip, ákimderge barlyq oqý oryndarynda sanıtarııalyq-epıdemıologııalyq rejımniń buljytpaı saqtalýyn qamtamasyz etýdi tapsyramyn. Sondaı-aq halyqty vaksınalaý jáne revaksınalaý jumystaryn barynsha kúsheıtý qaje», degen Premer-Mınıstr buǵan deıin berilgen tapsyrmalarǵa qaramastan, Mańǵystaý jáne Qostanaı oblystarynda ekpe alýǵa tıis halyqtyń jartysy ǵana vaksına saldyrǵanyn atap ótti.
Aıýynsha, el astanasy men Almatyda jáne Mańǵystaý oblysynda revaksınalaý qarqyny jaqsarmaǵan.
«Al, Shyǵys Qazaqstan oblysynda vaksınamen qamtý 100 prosent, revaksınalaý shamamen 80 prosentke jetip otyr. Jambyl oblysynda vaksına saldyrý 100 prosentke, al revaksınalaý – 66 prosentke jýyqtady. Bul – basqa óńirler úshin úlgi bolarlyq jumys. Kósh sońyndaǵy aımaqtardyń ákimderi vaksınalaý jáne revaksınalaý máselesin kúndelikti baqylaýǵa alýy tıis», dedi Úkimet basshysy.
