«О́rt sóndirýshiler oqıǵa ornyna kelgende seh qoıý tútinge oranyp úlgergen eken. Mamandar birden iske kirisip, «Nıva» kóligin angardyń ishinen shyǵardy. Shamamen 40 mınýttyń ishinde órt tolyǵymen sóndirildi. «Radýga» JShS-de granýla jasaıtyn stanok isten shyǵyp, elektr symdarynan órt tutanǵan. Úshinshi nómirli, ıaǵnı joǵary qaýipti shaqyrý boıynsha jumys istedik. О́ıtkeni bildek turǵan ǵımarattyń aýmaǵy 1,5 myń sharshy metr. Jalynnyń ári qaraı jaıylýyna jol bermeı, tez qımyldaý kerek boldy. Nátıjesinde bir bildek qana janyp ketti. Zardap shekkender, qaza tapqandar joq. Shyǵyn mólsheri anyqtalatyn bolady», dedi Petropavl qalalyq tótenshe jaǵdaılar basqarmasynyń bastyǵy Vladımır Hýtınaev.
