Oblys ákimdiginiń baspasóz qyzmeti habarlaǵandaı, 2021 jylǵy jeltoqsanda QR Ulttyq ekonomıka mınıstrligi Tabıǵı monopolııalardy retteý komıtetiniń Atyraý oblysy boıynsha departamenti «QazTransGazAımaq» AQ Atyraý óndiristik fılıalynyń gaz taratý qubyrlary arqyly tasymaldaý qyzmetterine arnalǵan tarıfin 2022-2027 jyldarǵa 1 133,39 teńge/myń tekshe metrge deıin tómendetti.
О́tken besjyldyq kezeńmen salystyrǵanda tarıf 36%-ǵa tómendedi. Sonymen qatar, komıteti «QazTransGazAımaq» AQ ATF-nyń jabdyqtaý ústemesin 916,17 teńge/myń tekshe metrge deıin, ıaǵnı 43%-ǵa tómendetti.
Osylaısha, Atyraý oblysynyń tutynýshylary úshin «QazTransGazAımaq» gazynyń túpkilikti baǵasy 38,9%-ǵa tómendedi.
Turmystyq tutynýshylar, jylý energetıkalyq kompanııalar úshin halyq úshin jylý energııasyn óndirýge taýarlyq gazdy tutyný kóleminde - 4 720,33 teńge/myń tekshe metr. Zańdy tulǵalar úshin jylý energııasyn óndirýge taýarlyq gazdy tutyný kólemderinde jylý energetıkalyq kompanııalar úshin, elektr energııasyn óndirýge taýarlyq gazdy tutyný kólemderinde jylý energetıkalyq kompanııalar úshin, ózge de zańdy tulǵalar úshin – 11 482,47 teńge/myń tekshe metr. Bıýdjettik uıymdar úshin – 13 344,23 teńge/myń tekshe metr; tutynýshylarǵa odan ári ótkizý maqsatynda syǵylǵan jáne suıytylǵan tabıǵı gaz óndirý úshin taýarlyq gazdy satyp alatyn zańdy tulǵalar úshin – 11518,56 teńge/myń tekshe metr.
Tómendetilgen baǵalar 2022 jyldyń 1 aqpanynan bastap engiziledi.
