2022 jyldyń 1 qańtarynda Qazaqstannyń Ulttyq qoryn basqarý jónindegi keńes maquldaǵan baǵyttar sheńberinde senimgerlik basqarýshy retinde Ulttyq banktiń zeınetaqy aktıvterin ınvestısııalaý qyzmeti birneshe negizgi baǵytty qurady.
Birinshi baǵyt – Qarjy mınıstrligi shyǵarǵan memlekettik baǵaly qaǵazdar. Onyń aǵymdaǵy quny 5 trln 104,82 mlrd teńgege nemese búkil portfeldiń 39,13 paıyzyna teń. Onyń teńgedegi kiristiligi jylyna 9,4 paıyzdy qurasa, dollarǵa qatysty kiristiligi 3,4 paıyzǵa teń.
Ekinshi baǵyt – shetelderdiń memlekettik baǵaly qaǵazdary. Munyń kólemi – 2 trln 500,81 mlrd teńge. Onyń portfeldegi úlesi – 19,17 paıyz. BJZQ-nyń zeınetaqy aktıvteri portfelindegi shetelderdiń memlekettik baǵaly qaǵazdarynyń ortasha kiristiligi jylyna 1,2 paıyzǵa teń.
Úshinshi baǵyt – kvazımemlekettik uıymdar oblıgasııalary. Aǵymdaǵy quny – 1 trln 670,05 mlrd teńge, portfeldegi úlesi – 12,80 paıyz. Teńgedegi ortasha kiristiligi jylyna 10,8 paıyzdy qurasa, dollarmen esepteletin kiristiligi 5,5 paıyzǵa teń.
Tórtinshi baǵyt – ekinshi deńgeıli bankter oblıgasııalary – 1 trln 046,62 mlrd teńge nemese 8,02 paıyz. Ortasha kiristilik jylyna – 10,0 paıyz.
BJZQ-nyń zeınetaqy aktıvteri esebinen satyp alynǵan qarjy quraldaryndaǵy ulttyq valıýtadaǵy ınvestısııalary – 67,22 paıyz, AQSh dollaryndaǵy ınvestısııalar – 32,71 paıyz, Reseı rýblinde jáne basqa valıýtadaǵy ınvestısııalar – 0,06 paıyz.
Ulttyq bank alǵan, jyl basynan beri eseptelgen ınvestısııalyq tabystyń qurylymy kelesideı sıpatqa ıe: baǵaly qaǵazdar boıynsha syıaqy túrindegi kirister – 873,20 mlrd teńge, baǵaly qaǵazdardy naryqtyq qaıta baǵalaýdan túsken kirister – 146,57 mlrd teńge, shetel valıýtasyn qaıta baǵalaýdan túsken kirister – 68,32 mlrd teńge, syrtqy basqarýdaǵy aktıvter boıynsha kirister – 140,97 mlrd teńge, ózge de kirister – 169,79 mlrd teńge.
Investısııalyq qyzmet nátıjesinde, sondaı-aq shetel valıýtalary baǵamdarynyń qubylmalylyǵy men qarjy quraldarynyń naryqtyq qunynyń ózgerýi nátıjesinde, eseptelgen ınvestısııalyq kiris mólsheri ótken jyly 1 trln 398,85 mlrd teńge boldy. 2021 jyldyń basynan bastap salymshylardyń shottaryna bólingen BJZQ zeınetaqy aktıvteriniń kiristiligi 11,13 paıyzǵa jetti. Al bul aralyqtaǵy ınflıasııa 8,40 paıyz bolǵan. Osylaısha, BJZQ zeınetaqy aktıvteriniń naqty tabystylyǵy 2,73 paıyzdyq ósim kórsetti.
Joǵaryda atap ótkendeı, zeınetaqy aktıvteriniń bir bóligi ınvestısııalyq portfeldi basqarýshylarǵa beriledi. Mundaı sharýamen elimizde birneshe kompanııa aınalysady. Máselen, Jýsan Invest kompanııasynyń senimgerlik basqarýyndaǵy zeınetaqy aktıvteri 3,43 mlrd teńgeni qurady. Oǵan Ulttyq banknottary (portfeldiń 33,42 paıyzy), Exchange Traded Funds (ETF) paılary (24,45 paıyz), Qarjy mınıstrliginiń memlekettik baǵaly qaǵazdary (15,07 paıyz), REPO operasııalary (16,64 paıyz) satyp alyndy. Investısııalyq shottarda aqshalaı qalǵan aktıvter – 10,42 paıyz. Portfeldiń 65,22 paıyzy teńgemen, 34,78 paıyzy dollarmen saqtalǵan. 2022 jyldyń 1 qańtaryndaǵy jaǵdaı boıynsha eseptelgen ınvestısııalyq tabys mólsheri 139,29 mln teńge boldy. Zeınetaqy aktıvteriniń tabystylyǵy – 8,08 paıyz.
2022 jyldyń 1 qańtarynda Halyk Global Markets kompanııasynyń senimgerlik basqarýyndaǵy zeınetaqy aktıvteri 2,06 mlrd teńgeni qurady. Portfeldiń qurylymynda keri REPO operasııalary (43,33 paıyz), kvazımemlekettik uıymdarynyń oblıgasııalary (14,39 paıyz), ETF paılary (13,99 paıyz), sheteldik emıtentterdiń aksııalary men depozıtarlyq qolhattary (8,75 paıyz), ekinshi deńgeıli bank oblıgasııalary (7,54 paıyz), uıymdardyń korporatıvtik oblıgasııalary (6,10 paıyz), halyqaralyq qarjy uıymdarynyń oblıgasııalary (5,83 paıyz), shottardaǵy aqsha qarajaty (0,05 paıyz) men basqa da aktıvter (0,02 paıyz) bar. Portfeldegi ulttyq valıýtadaǵy ınvestısııalar 77,21 paıyzǵa, AQSh dollaryndaǵy ınvestısııalar 22,79 paıyzǵa teń. 2022 jyldyń 1 qańtaryndaǵy jaǵdaı boıynsha eseptelgen ınvestısııalyq kiris mólsheri 112,79 mln teńge boldy. Zeınetaqy aktıvteriniń tabystylyǵy 8,41 paıyzǵa jetti.
BCC Invest kompanııasynyń senimgerlik basqarýyndaǵy zeınetaqy aktıvteri 1,22 mlrd teńgege teń. Aktıvter paılarǵa (ETF ındeksterge, 25,48 paıyz), keri REPO operasııalaryna (20,79 paıyz), kvazımemlekettik uıymdardyń oblıgasııalaryna (17,04 paıyz), sheteldik emıtentterdiń aksııalary men depozıtarlyq qolhattaryna (9,91 paıyz), halyqaralyq qarjy uıymdarynyń oblıgasııalaryna (8,00 paıyz), ekinshi deńgeıli bankterdiń oblıgasııalaryna (6,94 paıyz), Qazaqstannyń rezıdent-emıtentteriniń korporatıvtik oblıgasııalaryna (6,85 paıyz), ınvestısııalyq shottardaǵy aqsha qarajatyna (4,96 paıyz), ózge de aktıvterge (0,04 paıyz) bólingen. Ulttyq valıýtadaǵy quraldarǵa portfeldiń 59,82 paıyzy, AQSh dollaryndaǵy quraldarǵa portfeldiń 40,18 paıyzy ınvestısııalanǵan. Eseptelgen ınvestısııalyq kiris mólsheri 74,51 mln teńgeni qurady. Zeınetaqy aktıvteriniń tabystylyǵy – 8,37 paıyz.
2022 jyldyń 1 qańtaryndaǵy jaǵdaı boıynsha «Sentras Sekıýrıtız» kompanııasynyń senimgerlik basqarýyndaǵy BJZQ-nyń zeınetaqy aktıvteri 809,46 mln teńgeni qurady. Olar Qarjy mınıstrliginiń memlekettik baǵaly qaǵazdaryna (69,29 paıyz), REPO operasııalaryna (15,70 paıyz), Qazaqstan emıtentteriniń aksııalary men depozıtarlyq qolhattaryna (14,73 paıyz), ınvestısııalyq shottardaǵy aqsha quraldaryna (0,27 paıyz) ınvestısııalandy. Barlyq ınvestısııalar ulttyq valıýtada júrgizilgen. Eseptelgen ınvestısııalyq kiris mólsheri 46,72 mln teńgege teń. Al zeınetaqy aktıvteriniń kiristiligi 9,37 paıyzdy qurady.
