Tuǵyrnamanyń ózektiligin arttyrý mańyzdy

Keshe Premer-Mınıstr Serik Ahmetovtiń tóraǵalyǵymen selektorlyq rejimde ótken Úkimet otyrysynda «Nur Otan» partııasynyń Saılaýaldy tuǵyrnamasyn iske asyrý barysy qaraldy. Tuǵyrnamanyń 2013 jylǵy qorytyndylary talqylandy. S.Ahmetov jıynda «Bizge kókeı­­­kes­ti tapsyrmalar berip otyratyn Mem­leket basshysy, ásirese, «Nur Otan» partııasynyń sońǵy sezinde aldymyzǵa úlken mindetter qoıdy. Biz bul jaýapkershilikti sezinýimiz jáne osy tapsyrmalardy oryndaýǵa baıyppen qaraýymyz kerek», dedi. Otyrystyń kún tártibindegi máselege oraı partııa Tóraǵasynyń birinshi orynbasary Baýyrjan Baıbek baıandama jasady. Ol óz sózinde Memleket basshysynyń Qazaqstan halqyna Joldaýynda «Qazaq­­­­­stan-2050» Strategııasyn júzege asyrýdyń basty maqsaty qazaqstandyqtardyń ómirin jos­parly túrde jaqsartý, al onyń negizgi ólshemi azamattardyń áleýmettik kóńil-kúıi bolyp tabylatynyn málimdedi. «Partııa bıýrosynda Úkimet­­­pen birlesip daıyndalǵan Tu­ǵyr­­­namany júzege asyrý kórset­­­kishteriniń tizbesi bekitildi. Kór­­­set­kishterdiń 75 paıyzy naqty jáne tur­ǵ­yndar úshin ólshemdi ın­dı­­­katorlarǵa baǵ­dar­lanǵan. O­lar­dy oryndaýǵa naqty mem­­­le­ket­­tik or­gandar bekitilgen», dedi B.Baıbek. Sondaı-aq, ol táýelsiz áleý­met­tik saýaldamalar júrgizý jáne partııanyń qoǵamdyq qabyl­daý­lary bergen saraptamalar arqy­ly Tu­ǵyr­namany júzege asyrý­dyń keshendi monıtorıngi tetigi engizilgenine toqtaldy. Atap aıtar bolsaq, 2013 jyly partııanyń qoǵamdyq qa­byldaýlaryna 800 myń adam óti­nish­pen kelipti. Esterińizde bolsa, ótken jyl­dyń 1 jeltoqsanynda partııa Tór­­aǵasy Nursultan Nazar­baev Res­pýblıkalyq qoǵamdyq qabyl­daý­dyń jańa ǵımaratynda azamattar­dy jeke qabyldap, partııa­men «onlaın» rejimde tikeleı baılanys jasaýǵa múmkindik týǵyzatyn «Elektrondy partııa» jobasyn iske qosqan bolatyn. «Atalǵan júıeniń arqasynda biz memlekettik organdardyń jumysy jaıly obek­­­­­tıvti aqparattardy «birinshi qoldan» alyp, tipti, árbir aýdanǵa deıingi barlyq órisi men salasyna baqylaý júrgize alamyz», dedi B.Baıbek. Partııa Tóraǵasynyń birinshi oryn­­­­­basarynyń baıandamasynan soń otyrysta Ekonomıka jáne bıýdjettik josparlaý mınıstri Erbolat Dosaev Tuǵyrnamanyń ótken jylǵy ekonomıkalyq blo­gynyń oryndalýy barysy týraly habarlady. Ol IJО́ ósimi byltyr 6 paıyzdy quraǵanyn, onyń jos­parly deńgeıge sáıkes bolǵanyn, IJО́-niń turǵyndardyń jan basyna shaqqanda 13 myń AQSh dollaryn quraǵanyn, 2013 jyly halyqtyń naqty tabysynyń onyń aldyndaǵy jylmen salystyrǵanda 3 paıyzǵa, eńbekaqynyń 1,6 paıyzǵa óskenin, jumyssyzdyq deńgeıiniń 5,2 paıyzdy quraǵanyn aıtty. О́ńirlik damý mınıstri Bolat Jámishev halyqtyń turǵyn úı jaǵdaıyn jaqsartý baǵytynda jasalyp jatqan jumystarǵa toqtaldy. Mınıstrdiń málimetinshe, Qazaq­­­standa jobalyq qýattylyǵy jylyna shamamen 1,5 mln. sharshy metr bolatyn úı qurylysy kombınatynyń 17 jobasyn júzege asyrý qarastyrylǵan, onyń 9 jobasyn aǵymdaǵy jyly engizý josparlanǵan. Eńbek jáne halyqty áleýmettik qorǵaý mınıstri Tamara Dúısenova da Tujyrymdamada kózdelgen mindetter boıynsha óz mınıstrligi tarapynan atqarylyp jatqan jumystardy baıan­dady. Ol Úkimettiń 2011 jyldan beri «Jumyspen qamtý jol kartasyn» júzege asyryp jatqanyn, osy kezeńde baǵdarlama 267 myń adamdy qamtyp, 157 myń adamnyń jumysqa ornalastyrylǵanyn atap ótti. Bilim jáne ǵylym mınıstri Aslan Sárinjipov 2013 jyly kolledj tú­­­­­lekteriniń jumysqa ornalasýy 70,5 paıyzdy quraǵanyn habarlady. BǴM basshysy «Respýblıka boıynsha oqý oryndary men kompanııalar, kásiporyndar arasynda tehnıkalyq jáne kásiptik oqý oryndaryn bitirýshilerdiń tájirıbeden ótýi men eńbekke ornalasýyn uıymdastyrý máseleleri boıynsha 25 myńnan astam kelisimshart jasalǵanyn» atap kórsetti. «Áleýmettik eleýli máselelerdi she­shý – Úkimettiń, Parlament Májilisindegi partııalyq fraksııanyń jáne partııanyń barlyq qurylymdarynyń birlesken jumysynyń negizi. Nurotandyq depýtattar Úkimetpen birlesip, ózderiniń zań shyǵarýshylyq qyzmetinde únemi Saılaýaldy tuǵyrnama erejelerine arqa súıeıdi», dep málimdedi Úkimet otyrysyna arnaıy qatysqan Parlament Májilisindegi «Nur Otan» partııasy fraksııasy basshysynyń birinshi orynbasary Sergeı Dıachenko. Bul máseleler boıynsha, sondaı-aq, birqatar basqa da mınıstrlikter men vedomstvolar basshylary, Shyǵys Qazaqstan men Batys Qazaqstan oblystarynyń ákimderi sóıledi. Dınara BITIKOVA, «Egemen Qazaqstan».