Baıansyz baǵdarlamalar

Bul rette birinshi kezekte jastardyń áleýe­ti­­ne nazar aýdarylǵany belgili. Prezı­dent aı­typ ótkendeı, Jas Otan naqty jumys is­teý úshin zor áleýetke ıe. Biz bul múmkin­dik­­ti qalaı paıdalandyq, másele sonda. Mem­le­­ket basshysy aıtyp ótkendeı, partııanyń jas­­tar qanatynda elimiz boıynsha 100 myń­nan astam múshe bar. Biraq osynaý resýrs la­ıyqty deńgeıde paıdalanylmaı otyr. Jas Otan qataryna qoǵamdyq qyzmetpen aına­ly­sýǵa daıyn, jastar tyńdaıtyn, syılaı­tyn, olar­dyń arasynda úlken senimge ıe bol­­ǵan kóshbasshylardy tartý kerek. Mem­­le­ket basshysy aıtyp ótkendeı, jas azamat­­tardy jumyspen qamtý, bilim berý jáne oqytý salasynda birqatar mańyzdy joba at­qaryldy. Biraq áleýmettik saýaldama nátı­jesi jastardyń bul baǵdarlamalar jaıyn­da ha­barsyz ekenin kórsetti. Bul jaıt birin­shi kezekte nazar aýdarýǵa tıis baǵyttyń qalta­rys­ta qalǵanyn aıǵaqtaıdy.

Jas Otan jastar qanatynyń múmkindigin qa­jetti tetikterge paıdalaný máselesi bu­ryn­nan aıtylatyn. Biraq bul másele kóp elene bermeı, tasada qalyp qoıyp jatty. Jas­tar­dyń erik-jigerin durys baǵyttamasa, olardy óz­ge­l­er­diń paıdalanyp ketetinin qańtardaǵy oqı­ǵa ań­ǵartty. Jastardyń áleýetin ǵana paıdala­nyp qalýǵa basymdyq berilmeı, olardyń bız­nes­pen aınalysýyna jaǵdaı jasaý qajet. Son­y­men qatar jas azamattardy eńbekke baý­lyp, shalǵaı óńirlerdi damytý sekildi paı­daly jo­balarǵa tartqan jón. Bul másele Nur Otan par­tııasynyń ǵana emes, Prezıdent Ákim­shi­ligi Ishki saıasat bóliminiń de nazarynda turýy kerek.

Sezde partııanyń qoǵamdyq baqylaý qyzmetin álsiretip alǵanymyz da ashyq aıtyldy. 2010 jyldardyń orta shenine deıin bul qyzmet Nur Otan partııasynyń áleýetin asyryp, halyqpen aradaǵy baılanysty jalǵap turǵan negizgi faktorlar boldy. Sybaılas jemqorlyqqa qarsy is-qımyl jónindegi respýblıkalyq qoǵamdyq keńes jumysy da nátıjesin berdi. Memleket basshysy aıtyp ótkendeı, partııanyń el bo­ıynsha 238 qoǵamdyq qabyldaý bólmesi bar. Biraq olardyń jumysy kórine bermeıtini, azamattardyń barlyq ótinishin baqylaýǵa alyp, qatań qadaǵalap otyrý mańyzdy ekeni­ne Prezıdent erekshe nazar aýdardy.

Búginge deıin aýdan nemese oblys basshy­lary par­tııanyń jergilikti fılıaldaryn bas­qaryp keldi. Bul faktor keshegi KSRO ke­zin­degideı ortalyqtandyrylǵan júıeni eske túsiredi. Basqasha aıtqanda, bir ortalyqtan basqarýǵa, ýysynda ustaýǵa tyrysatyn ákimshil-ámirshil júıeniń keri jańǵyryǵy. Sezd barysynda aıtylǵan usynystardan uq­qany­myz, aldaǵy ýaqyttaǵy ózgerister bir­ne­she baǵytty qamtıdy. Oblys nemese aýdan­­dyq deńgeıdegi basshylarǵa partııanyń aımaqtyq fılıaldaryn basqarýǵa berý máselesi aldaǵy ýaqytta sheshimin tabýy kerek. Bul usynys ta Memleket basshysy tarapynan aıtyldy.

Qaralatyn másele kóp ekeni belgili. Qań­tar­daǵy qaıǵyly oqıǵalar partııa múshe­leri­niń bedeli joǵyn ári eldiń problemalaryn sheshýge qulyqsyz ekenin kórsetti. Bul jaıt Prezıdenttiń kez kelgen partııa men qozǵalystyń qyzmetinen alshaq bolýdy talap etedi. Bul usynys bılik partııasyna ǵana emes, Qazaqstandaǵy barlyq saıası par­tııalarǵa da qatysty. «Sondyqtan biraz ýaqyt­tan keıin, bálkim, osy jyldyń sońyna qa­raı meniń Nur Otan-ǵa tóraǵalyq etýim qan­sha­lyqty oryndy ekenin qaıta qaraýymyz múm­kin», dedi Memleket basshysy. Demek bı­lik par­tııasynyń qurylymy men yqpal etý deńgeıi týraly kóp ózgeristiń betalysy aldaǵy ýaqytta aıqyndalyp qalady dep oılaımyn.

Andreı ChEBOTAREV,

«Alternatıva» ózekti zertteýler ortalyǵynyń dırektory