Jańa munaı shoǵyry tabyldy

Kómirsýtek qorynyń ósimi «QazMunaıGaz» UK AQ ekono­mı­kalyq kórsetkishterine eleýli áser etedi.

2017 jyly «QazMunaıGaz» UK AQ, «О́zenmunaıgaz» AQ, «QMG Injınırıng» JShS jáne «Aqtaý qalasyndaǵy QMG In­jınırıng» fılıalynyń geo­logter toby О́zen ken ornyn jete barlaýdyń egjeı-teg­jeı­li baǵdarlamasyna bastamashy boldy. Osy baǵdarlama sheń­be­rinde 2017-2021 jyldary ishin­de joǵary kórsetkishti seısmobarlaý 3D túsirilimi (368 shar­shy shaqyrym) júrgizildi, bar­lyq uńǵyma qoryna qaıta taldaý jasaldy (7 500-den astam), geologııalyq tujyrymdamasy qaıta qaraldy jáne geologııalyq 3D-úlgisi qaıta qurastyryldy.

Júrgizilgen jumystardyń ná­tı­jesinde ken ornynyń qu­ry­­­lymy naqtylandy jáne jańa munaı shoǵyry tabyldy. Atqa­rylǵan jumystardyń qo­ry­tyndysy boıynsha О́zen ken ornynyń munaı qory 8%-ǵa ul­ǵaı­dy, bul óz kezeginde shyǵa­ry­latyn qordyń 39,9 mln tonnasyn qurap otyr.

Qazaqstan Respýblıkasynyń paıdaly qazbalar qory jónin­de­gi memlekettik komıssııasy kómir­sý­tektiń naqtylanǵan kóle­min 2021 jyldyń sońynda balansyna qabyldady.

Qazirgi ýaqytta jańa qordy esepke alý jáne olardy óndirýdi jos­parlaý maqsatynda ken oryn­dy ıgerý jobasyna túzetý en­gizilý­de.

Aıta ketelik, «О́zenmunaıgaz» AQ – «QazMunaıGaz» UK AQ-nyń 100 paıyz enshiles kompanııasy. 2020 jyly kásiporynǵa Qazaq­stan­daǵy munaı jáne gaz kondensatyn óndirý qurylymynda 6%-y tıesili boldy. Kásiporyn Mańǵystaý oblysyndaǵy О́zen jáne Qaramandybas ken oryndarynda munaı jáne gaz kondensatyn óndiredi.

О́zen ken orny – Qazaqstan Res­pýblıkasynda ǵana emes, so­ny­men qatar álem boıynsha bire­geı bastapqy geologııalyq qory bar eń iri ken oryndarynyń biri. Bul qurylymy kúrdeli kóp­qa­bat­ty ken orny, onyń munaı men gaz shoǵyrlary ıýra-bor shó­gin­dileriniń terrıgendik bóli­ni­sinde ornalasqan.