Elimiz komandasy shaıbaly hokkeıden álem chempıonatyna qatysady

Erteń, 19 naýryz kúni Polshada shaıbaly hokkeıden 18 jasqa deıingi qyzdar arasynda ótetin álem chempıonatynyń birinshi dıvızıonyndaǵy suryptaý syny bastalady. Oǵan Qazaqstan qurama komandasy da qatysady. Bul týraly Qazaqstan hokkeı federasııasy habarlady. Atalǵan chempıonat álemdik dodanyń úshinshi deńgeıdegi jarysy. Osy topta bizdiń elden basqa taǵy tórt qurama komanda qatysady eken. Olardyń bári birinshi dıvızıon joldamasyna talasady. Bul synda Qazaqstan quramasymen Avstrııa, Italııa, Polsha jáne Qytaı sportshylary kúsh synasady. Endi Qazaqstan komandasynyń oıyndaryna kelsek, erteń, ıaǵnı 19 naýryzda bizdiń qurama alǵashqy matchyn Polsha hokkeıshilerine qarsy ótkizedi. Odan keıin 20 naýryz kúni qyzdarymyz Avstrııa boıjetkenderimen oınasa, 22 naýryzda Italııa komandasymen kúsh synasady. Al 23 naýryz kúni Qazaqstan men Qytaı qyzdary muz aıdynyna shyǵady. 18 jasqa deıingi Qazaqstan qyzdar komandasy myna quramda álem chempıonatyna  qatysady: Qaqpashylar – Tatıana Mojaeva, Dıana Tkachenko. Qorǵaýshylar – Madına Tursynova, Sofıa Kýznesova, Eva Bogdashova, Leıla Morozova, Marına Popova, Aleksandra Feklıstova Shabýylshylar – Pernesh Áshimova, Aıda Oljabaeva, Malıka Aldabergenova, Valerııa Sıdorenko, Álııa Qalıýla, Karına Felzınk Nadejda Fılımonova, Tatıana Lıhaýs ,Elvıra Ramazanova, Valerııa Kamenskaıa, Ksenııa Býshýeva. Bas jattyqtyrýshy – Sergeı Solovev, jattyqtyrýshy – Irına Mogılnıkova. Dastan Kenjalın. Derekkóz: www. Icehockey.kz Foto: www. Icehockey.kz