«О́tken aptadaótken Nur Otan-nyń XXI tarıhı Sezinde partııaǵa jańa mindetter qoıyldy. Sondyqtan men partııa Tóraǵasy Qasym-Jomart Kemeluly Toqaevqa atqaryp otyrǵan qyzmetimnen bosatý týraly tıisti ótinish berdim. Búgin meniń ótinishim qanaǵattandyryldy», dedi Baýyrjan Baıbek.
Baýyrjan Baıbek memlekettik jáne partııalyq qyzmette 20 jyldan astam eńbek etti. Eki ret, jalpy alǵanda 6 jylǵa jýyq – Nur Otan partııasy Tóraǵasynyń birinshi orynbasary, 3 jylǵa jýyq – Prezıdent Ákimshiligi Basshysynyń orynbasary laýazymdarynda, 4 jyl Almaty qalasynyń ákimi bolyp jumys istegen.
«Qandaı qyzmet atqarsam da, qaı salaǵa jaýapty bolsam da, men árqashan Otanymyzdyń Táýelsizdigin nyǵaıtýǵa, qoǵamda ishki saıası turaqtylyq pen kelisimdi qamtamasyz etýge, el azamattarynyń ál-aýqatyn arttyrýǵa ózimniń úlesimdi qosýǵa tyrystym. О́z jumysymda ashyqtyq jáne jaýapkershilik qaǵıdalaryn basshylyqqa aldym. Ar-namys, sózge beriktik jáne iske adaldyq degen uǵymdar men úshin árqashan birinshi orynda boldy», dedi ol.
Sondaı-aq ol ózine júktelgen jumystardy atqarýda zor senim bildirgeni úshin Tuńǵysh Prezıdent – Elbasy Nursultan Ábishuly Nazarbaevqa alǵys bildirdi.
«Memleket basshysy, Nur Otan partııasynyń Tóraǵasy Qasym-Jomart Kemeluly Toqaevqa osy jyldary jan-jaqty qoldaý kórsetkeni úshin shynaıy alǵys aıtamyn. Partııa apparatynyń qyzmetkerlerine, sondaı-aq ortalyqtaǵy jáne jergilikti jerlerdegi barlyq partııa múshelerine erekshe alǵys bildiremin. Olar – jaýapkershilikti óz moınyna alýdan qoryqpaıtyn isker jandar, Qazaqstannyń bolashaǵy úshin kún saıyn qajyrly eńbek etetin naǵyz patrıottar. Sizdermen birge jumys isteý men úshin úlken mártebe boldy!», dedi B. Baıbek.
Sóz sońynda ol taǵdyrsheshti kezeńde árbir azamat óziniń kózqarasy men senimine qaramastan Memleket basshysynyń aınalasyna toptasýǵa shaqyrdy.
