Qazirgi ýaqytta el aýmaǵynda jer qoınaýyn paıdalaný quqyǵyn berý úshin shamamen 1 mln 324 myń sharshy shaqyrym alań qarastyrylǵan. Memlekettik jer qoınaýy qoryn basqarý baǵdarlamasyna 1 mln 65 myń sharshy shaqyrym jer qoınaýy qosylǵan, taǵy 259 myń sharshy shaqyrymy qosylady.
Geologııalyq barlaý salasyna ınvestısııalar tartý, paıdalanylmaıtyn ken oryndaryn ıgerý maqsatynda jer qoınaýyn paıdalaný úshin elimizdiń barlyq qoljetimdi aýmaǵyn ashý josparlanyp otyr.
2022-jylǵy 1-aqpandaǵy jaǵdaı boıynsha Qazaqstanda tıisti túrde oryndalmaýyna baılanysty ken oryndaryn ıgerýge qatysty 31 kelisimshart buzylyp, 101 lısenzııanyń kúshi joıyldy. Qazirgi tańda jer qoınaýyn paıdalanýshylardyń kelisimsharttyq mindettemelerin oryndaýyna taldaý jumystary júrgizilip jatyr – anyqtalǵan buzýshylyqtar rettelmese, kelisimsharttar buzylady jáne ınvestısııa tartý úshin aýksıonǵa shyǵarylady.
Premer-Mınıstr jer qoınaýyn paıdalaný salasynda aýqymdy tekseris jumystaryn jedeldetýdi jáne paıdalanylmaıtyn ken oryndarynyń naqty tizbesin aıqyndaýdy tapsyrdy.
