«Atyraý» áleýmettik kásipkerlik korporasııasy» AQ memlekettik baǵdarlamalardy iske asyrý departamentiniń dırektory Dmıtrıı Dıýdyń málimetine súıensek, turaqtandyrý qorynyń qoımasynda 216 tonna azyq-túlik, 2 379 tonna aýyl sharýashylyǵy ónimderi bar. Áleýmettik mańyzǵa ıe taýarlardyń baǵasyn turaqtandyrý úshin «Atyraý» ÁKK» AQ tórt saýda jelisi men taýar óndirýshilerge aınalym qarajatyn tolyqtyrý úshin 1 mlrd 35 mln teńge kóleminde qaryz berip otyr. Endi kásipkerler aldynda áleýmettik mańyzy bar 19 túrli azyq-túlik taýarynyń baǵasyn turaqtandyrý mindeti tur.
– «Lıder» jáne «Ideal» sýpermarketteriniń 39 saýda núktesinde azyq-túlik 33 paıyzdyq tómen baǵamen satylyp jatyr. Taýarlar kún saıyn saýda núktelerine jetkiziledi. Azyq-túlik ónimderi sýpermarketter jelisinde «Turaqtandyrý qorynyń taýarlary» degen jazýy bar arnaıy sórege ornalastyrylǵan. Atyraý qalasyndaǵy tórt bazarda aýyl sharýashylyǵy taýarlarynyń baǵasy naryqtaǵydan 63 paıyzǵa tómen. Máselen, birinshi surypty unnan pisirilgen nan baǵasy – 80-82 teńge. Al sıyrdyń jaýyryn jáne tóssúıegi bar eti – 1 853, 10 dana jumyrtqa – 360, kartop – 185, pııaz – 80, sábiz – 145, qyryqqabat – 125, qyzylsha baǵasy 170 teńge turady. Kókónister «Dına», «Saraıshyq», «Nasıha» jáne «Kóktem» bazarlarynda satylymǵa qoıyldy, – dep málimdedi Dmıtrıı Dıý.
Atyraý oblysy
