Osy jarystyń 6-raketkasy bolyp tirkelgen A.Býblık alǵashqy kezdesýin álemdik reıtıngte 62-orynda turǵan Nıderland ókili Tallon Grıkspýrmen ótkizdi. Asa tartysty ótken básekeniń taǵdyry eki settegi taı-breıkte sheshildi. Sheshýshi sátte myqtylyq tanytqan qazaqstandyq tennısshi 7:6 (7:4), 7:6 (7:5) esebimen jeńiske jetti. Eki saǵatqa jýyq ýaqytqa sozylǵan tartysty matchta A.Býblık 20 eıs jasap, 9 breık-poınttyń bireýin ǵana paıdalana aldy. A.Býblık ekinshi aınalymda álemniń 96-raketkasy, germanııalyq Peter Goevchık nemese reıtıngte 113-satydaǵy fransııalyq Per-Iýg Erberdiń birimen kúsh synasady.
Bir aıta keterligi, osy týrnırdiń irikteý saıystarynyń fınalynda qazaqstandyq tennısshi Mıhaıl Kýkýshkın dál osy Erberge ese jiberip, negizgi dodaǵa qosyla almaı qalǵan bolatyn.
