Atap aıtqanda, zańnamaǵa ózgerister men tolyqtyrýlar engizý boıynsha kelesi usynystar ázirleý josparlanýda:
- О́ndiristik jaraqattanýdyń aldyn alý tetikterin jetildirý;
- Qosymsha demalys, qysqartylǵan jumys ýaqyty, eńbekaqynyń joǵary mólsheri, aýyr jumystarda, eńbek jaǵdaılary zııandy nemese qaýipti jumystarda isteıtin qyzmetkerlerge mindetti kásiptik zeınetaqy jarnalaryn tóleý túrinde kepildik berýdiń táýekelge baǵdarlanǵan tetigin engizý.
Sondaı-aq, eńbek qyzmetine baılanysty jazataıym oqıǵa faktisi týraly ýaqtyly habarlamaǵan kezde jumys berýshiniń ákimshilik jaýapkershiligin kúsheıtý jáne belgileý máselesin qaraý usynylady.
Budan basqa, kez kelgen kásiptik top úshin eńbek jaǵdaılaryn baǵalaýǵa, onyń ishinde erekshe eńbek jaǵdaılarynda (jerasty jumystary, ashyq aýada jáne bıiktiktegi jumystar jáne t.b.) óndiristik faktorlardy sáıkestendirý jáne ólsheý boıynsha ádisnamalyq usynymdar ázirleý josparlanýda.
Sonymen qatar, joba kelesi tustardy qarastyrady:
- Jumyskerlerge kásiptik qaterdi baǵalaý nátıjelerine qaraı jeke qorǵanysh quraldaryn berý qaǵıdalary men normalaryn qaıta qaraý;
- Eńbekti qorǵaýǵa arnalǵan shyǵyndardy ekonomıkalyq josparlaýǵa, tıimdilikti baǵalaýǵa, onyń ishinde eńbekti qorǵaýǵa arnalǵan shyǵyndar bıýdjetin jasaý boıynsha onlaın-platforma qurý bóliginde ádistemelik usynymdar ázirleý.
- Eńbek qaýipsizdigi jáne eńbekti qorǵaý boıynsha oqytý jáne bilimdi tekserý júrgizý boıynsha oqý uıymdaryn akkredıtteý máselesin qaraý, sondaı-aq eńbekti qorǵaý salasyndaǵy bilimdi tekserý boıynsha onlaın platformany engizý.
Eńbek mınıstrliginen habarlaǵandaı, Úkimet qaýlysynyń jobasyn qabyldaý oń áleýmettik-ekonomıkalyq saldarǵa alyp keledi, óndiristik jaraqattaný men zııandy eńbek jaǵdaılary bar jumys oryndarynyń aldyn alýǵa jáne azaıtýǵa yqpal etedi.
Qujat 17 aqpanǵa deıin «Ashyq NQA» saıtynda jarııa talqylaý úshin ornalastyrylǵan.
