OL KÚNDERDIŃ О́ShPES DAŃQY

Astanada 9 mamyr kúni Uly Otan soǵysyndaǵy Jeńistiń 65 jyldyǵyna arnalǵan saltanatty sherý ótti. Saltanatty sát elordanyń sım­volyna aınalǵan “Qazaq eli” moný­mentinen bastaý alyp, “Otan qor­ǵaý­shylar” monýmenti aralyǵyna deıin jalǵasty. Bul sherýge keýde­lerine orden, medal taǵyp, kolon­na­daǵy arnaıy merekege saı jab­dyqtalǵan ÝAZ markaly 30  áskerı ashyq avtomobılmen jol bastaǵan qalanyń 120 soǵys ardageri, basqa da astanalyqtar men eli­miz­diń ár óńirinen jáne TMD men alys shetelderden kelgen qonaqtar qatysty. Osy sap arqyly olar keshegi qan maıdanda qaza tapqan jaýyngerlerge, elimizdiń ózge óńirlerindegi kózi tiri ardagerlerge qurmet kórsetip, shynaıy ystyq yqylastaryn bildirdi deýge bolady. Osy kezde “Otan qorǵaýshylar” monýmentiniń Máńgilik alaýyna Parlament Senatynyń Tóraǵasy Qasym-Jomart Toqaev, Parla­ment Májilisiniń Tóraǵasy Oral Mu­ha­medjanov, Premer-Mı­nıstr Kárim Másimov, Prezıdent Ákim­shi­liginiń Basshysy Aslan Mýsın, Memlekettik hatshy – Syrtqy is­ter mınıstri Qanat Saýdabaev, Qor­ǵanys mınıstri Ádilbek Jaq­sybekov pen Astana ákimi Iman­ǵalı Tasma­ǵam­betov gúl shoqtary men gúl sebet­terin qoıyp, maıdan­da qaza bolǵan jaýyngerler jáne Jeńistiń 65 jyl­dyǵyna jete almaı ómirden ozǵan ardagerlerdi bir sát únsiz­dik­pen eske aldy. Eske alý rásimi aıaq­talǵan soń, Qorǵanys mı­nıstrli­gi­niń Ortalyq ásker or­kestri, Pre­zıdent orkestri, Ishki áskerlerdiń orkestri, “Jas Ulan” respýblı­ka­lyq mektebiniń bara­ban­shylary, sonymen birge osy aıtý­ly kúnge ar­naıy daıyndalyp, tea­trlan­dy­ryl­ǵan qoıylym kórset­ken teatr ártisteri kolonnanyń kele jatqa­ny týraly belgi berip turdy. Osyn­daı belgiler arqyly kolon­na­nyń aldynda Aqmolada qu­rylǵan ataqty dıvızııa men polk­tiń áskerı toby kele jatqany bel­gili boldy. Áskerı top “Otan qor­ǵaýshylar” monýmentine kelgende olardan soń jaýynger-ınter­na­sıonalıster, respýblıkalyq Ulan­­nyń qurmetti qaraýyl ro­tasy, Ishki ásker ofı­serleri, Ult­tyq qaýip­siz­dik komıte­ti­niń shekara qyzmetiniń ókilderi kelip, sap túzedi. Osy jer­de Je­ńis­tiń 65 jyldyǵyna arnal­ǵan sal­tanatqa aýǵan soǵy­sy­nyń ar­da­ger­leriniń qatysqany Uly Otan so­ǵysynyń jaýyn­ger­le­rine kór­­set­ken úlken qurmeti deýge bolady. О́ıtkeni, so­ǵys­ty kózimen kórip, janymen tú­singen aýǵan soǵy­sy­nyń ardager­le­ri keshegi qan maıdanda Otan úshin ot keshken ákeleriniń qandaılyq erlik pen batyrlyqtyń úlgisin kór­setkenin jaqsy biledi. Bul sha­raǵa júzden astam aýǵan soǵysy­nyń arda­ger­le­ri qatysty. Qazir qa­lada olardyń 2000 jyly qu­ryl­ǵan “Aýǵan so­ǵysy múgedekteri men ardager­le­ri­niń odaǵy” qoǵamdyq birlestigi ju­mys isteıdi. Atalmysh uıymnyń derekterine qaraǵanda, Aýǵan­stan­ǵa Qazaqstannan 22 269 áskerı qyz­metshi jiberilip, onyń 924-i mert bolǵan. Al 1015-i mú­gedek bolyp, 21 azamat iz-túzsiz ketken kórinedi. Osydan keıin “Otan qorǵaý­shy­lar” monýmenti aldyna kolon­na­ny jalǵastyrǵan azamattyq kásip ıeleri, jastar, stýdentter men mektep jáne kolledjdiń úzdik oqýshylary kelip, soǵysta qaza tap­qan jaýyngerlerdiń rýhyna taǵ­zym etti. Saltanat odan ári ur­paq sabaqtastyǵyn aıshyqtaıtyn “О́mir aǵashynyń” butaqtarynyń bir jaq betine Aqmola qalasynan jiberilgen Qyzyl áskerlerdiń aty-jónderi jazylǵan “Jeńis lentalaryn” baılaýmen jalǵasty. Keıbir derekter boıynsha, Uly Otan soǵysyna Aqmoladan attan­ǵan 28 myń jaýyngerdiń tek bir­neshe myńy ǵana soǵystan oralǵan kórinedi. Al qazir Astanada ýaqyt ótken saıyn qatary sırep bara jatqan soǵys ardagerlerine bar­lyq jaǵdaı jasalýda. Olardyń bári ótken jyly páterlermen qamtamasyz etildi. Bıylǵy mereke qarsańynda ardagerler men tyl eńbekkerlerine qala ákimi Iman­ǵalı Tasmaǵambetov Elbasynyń tapsyrmasy boıynsha saltanatty túrde memlekettik nagradalardy tabys etken bolatyn. Osy kúni Astanada merekelik sha­ralar qalanyń barlyq jerinde jalǵasty. Qalalyq alańda, “Jas­tar” saraıynyń jazǵy sahnasy, “Báıterek” monýmenti men elorda saıabaǵynda úrmeli aspaptar or­kes­tri men án-bı ansambliniń qaty­sýymen konsert ótti. Sonymen birge qalalyq ákimdik aldyndaǵy alańda Patrıottyq ánder festı­vali ótip, oǵan kásibı jáne kór­kem­ónerpaz ujymdary, Qazaq­stannyń qarýly jáne qorǵanys vedomstvolarynyń úrmeli aspap­tar orkestri qatysty. Olar baǵ­darlama boıynsha soǵys jyl­da­ryndaǵy ánder men Otanyn qor­ǵaǵan sarbaz erligi týraly kompo­zısııalar oryndady. Al joǵaryda aıtqan Uly Otan soǵysyndaǵy Jeńistiń 65 jyldyǵyna arnalǵan sherýge sońǵy málimetter boıynsha 7 myńnan astam adam qatysty. Dastan KENJALIN.