Ol «Bul kóshi-qon problemasynyń shıelenisýine jáne Eýropaǵa qaýip tóndiretin terrorızmge baılanysty qabyldanǵan sheshim» dep túsindirdi. Prezıdent «Fransııa EO elderiniń Ishki ister mınıstrleri turaqty túrde sheshim qabyldaýy, atap aıtqanda syrtqy shekaralarǵa qatysty tıisti qaýlylar bekitýi úshin Shengen aımaǵynyń keńesin qurýdy qoldaıdy» dep málimdedi.
«Shengen aımaǵy búgingiden múldem ózgeshe ýaqytta quryldy. Iаǵnı bul aımaq Eýropalyq odaq aýmaǵynda terrorıstik is-árekettiń qaıta bastalýyna deıin, Lıvııadaǵy jáne 2015 jyly bastalǵan basqa da daǵdarystardyń saldarynan týyndaǵan kóshi-qon aǵynyna deıin quryldy», deıdi Fransııa prezıdenti.
Fransııanyń soltústigindegi Týrkýen qalasynda ótken Eýropa Ishki ister mınıstrleriniń beıresmı kezdesýinen keıin Emmanýel Makron beısenbi jáne jumada bastamany Lıllde talqylaýdy usyndy.
Emmanýel Makronnyń pikirinshe, Shengen aımaǵynyń jańa qurylymy arnaıy taǵaıyndalǵan úılestirýshi arqyly turaqty kezdesýler ótkizýi kerek. Olardyń alǵashqysy 3 naýryzda ótetin kórinedi.
Bul ıdeıany Ishki ister jónindegi eýropalyq komıssar Ilva Iohansson qoldady. Ol ózi de jeltoqsan aıynyń ortasynda Eýropa shekaralarynyń qaýipsizdigin nyǵaıtý maqsatynda Shengen aımaǵyn reformalaýdy usynǵan-dy.
Frontex málimeti boıynsha 39 mıllıon adam Shengen aımaǵynyń aqparattyq júıesi arqyly tekserýden ótpeı Eýropalyq odaqqa kirgen.
Qazirgi ýaqytta Shengen keńistigin basqarýǵa EO Keńesi, ishki ister jáne ádilet mınıstrleri jaýap beredi.
