«Ábdijámil aǵa ulttyq ádebıetimizdi jańa bıikke kótergen, sol jolda búkil ǵumyryn sarp etken úlken júrekti qalamger edi. HH ǵasyrda halqymyzdyń basynan ótken nebir zobalańnyń kýágeri boldy. Soǵys jyldarynda da qan maıdannyń ortasynan tabyldy. Sonyń bárinde taǵdyryna esh moıymaı, irilik pen órliktiń ozyq úlgisin kórsetti.
Jazýshynyń qalamynan týǵan «Qan men ter», «Sońǵy paryz» romandary jáne basqa da shyǵarmalary qazaq ádebıetiniń altyn qoryna qosylǵan qymbat qazyna bolyp qala beredi. Aǵamyzdyń jarqyn beınesi árdaıym bizdiń jadymyzda asqaq qalpynda saqtalady.
Ábdijámil Nurpeıisovtiń qaıtys bolýyna baılanysty marqumnyń jaqyndary men týystaryna orny tolmas qaıǵylaryna ortaqtasyp, kóńil aıtamyn», dep jazdy Máýlen Áshimbaev Instagram jelisinde.
