Oblystyq TJD baspasóz qyzmetiniń habarlaýynsha, 37 jáne 35 jastaǵy er adamdar sońǵy ret 3 aqpanda baılanysqa shyqqan. Olardyń biri áıeline habarlasyp, ózderiniń adasyp ketkenin aıtqan.
Kelesi kúni olardyń denesin Balatopar aýylynan 25 shaqyrym qashyqtyqtaǵy Quıǵan aýylynyń turǵyndary Balqash kólinen tapty, motosıkl kólge batyp ketken.
Jaǵdaıdyń sebepteri anyqtalýda, sot-medısınalyq saraptama taǵaıyndaldy.
Qazirgi ýaqytta kóldegi muzdyń qalyńdyǵy - 3-5 santımetr.
Almaty oblysynyń TJD azamattardan saqtyq sharalaryn saqtaýdy jáne qatpaǵan, juqa muz betine shyqpaýdy suraıdy.
