Qyzdy Aqmola oblysy PD esirtki qylmysyna qarsy is-qımyl jónindegi qyzmetkerleri ustady. Tekserý kezinde boıjetkennen geroınniń sıntetıkalyq opıaty bolyp tabylatyn birqatar dári-dármekterdiń 55 tabletkasy men esirtki áserin kúsheıtý úshin qoldanylatyn zat bar 12 bótelke tárkilendi.
«Ustalǵan azamatsha jedel ýákilderge «mıks», «lıra» jáne t.b. birneshe betbelgi qoıyp úlgergen oryndaryn kórsetti, nátıjesinde qyzdan «tramadoldyń» 5 qoraby, «tropıkamıdtiń» 14 qutysy, «lırıkanyń» 5 tabletkasy jáne «somnoldyń» 5 tabletkasy tárkilendi», dep túsindirdi QR IIM baspasóz qyzmeti.
Tıisti saraptama taǵaıyndaldy. Atalǵan fakti boıynsha QR QK 296-baby 2-bóligi «Esirtki zattaryn zańsyz saqtaý» boıynsha sotqa deıingi is júrgizý bastaldy.
«Kúdiktiden uıaly telefon tárkilendi, ol arqyly ol atalǵan dári-dármekterdi satýmen aınalysqan. Medısınalyq kýálandyrýǵa sáıkes qyzdyń ózi de sol apıyndardy qoldanǵany rastaldy», dedi oblystyq SО́P MQB bastyǵy polısııa polkovnıgi Meıram Japbasov.
