Taekvondo: sportshylarymyz Olımpıada joldamasy úshin kúsh synasýda

Elimizdiń taekvondodan jasóspirimder ulttyq qurama komandasy Qytaıdyń Taıpeı qalasynda Olımpıada oıyndaryna joldama beretin jarysqa qatysýda. Al Olımpıada osy jyly Qytaıdyń Nankın qalasynda ótedi. Bul týraly Sport jáne dene shynyqtyrý isteri agenttiginiń Shtattaǵy ulttyq jáne sport rezervi dıreksııasy habarlady. Bul synǵa erler arasynda  Ǵalymjan Serikbaı (48 kg), Abzal Qarshal (63 kg),  Erkebulan Ábilqas (73 kg ) pen qyzdar arasynda Nýrıla Ýbaıdýlla (44 kg.), Jazıra Saparbek (49 kg ) jáne Ǵanııa Álzaq (63 kg) qatysýda. Osydan keıin 23-26 naýryz kúnderi Taıpeıde taekvondodan jastar arasynda álem chempıonaty ótedi. Bul básekege Qazaqstannan 20 sportshy qatysady. Sporttyń osy túrinen elimizdiń ulttyq qurama komandasyn Baqytjan Raıbekov pen Myrzaǵalı Sýranov jattyqtyrady. Qazirgi kezde osy mamandardyń jetekshiligimen komandamyz qys boıy oqý-jattyǵý jıyndaryn ótkizip, álem chempıonatyna jaqsy daıyndyqpen attandy dese bolady.  Qazaqstan taekvondo federasııasynyń prezıdenti Vıacheslav Kımniń aıtýynsha, jastar quramasy jyl basynan beri úsh kezeń boıynsha jattyqty. Birinshi kezeń «Medeý» sport kesheninde 9-28 qańtar kúnderi ótti. Osydan keıin jastarymyz 4-18 aqpan kúnderi Ońtústik Koreıanyń Seýl qalasynda jergilikti taekvondoshylarmen birge jattyǵý jıyndaryn ótkizdi. Al 20-22 aqpan kúnderi jastar quramasy «Fýdjeıra Oýpen» halyqaralyq týrnırine qatysyp, onda 8 medaldi jeńip aldy. Dastan Kenjalın. Derekkóz: www.kazsports.kz Foto: www.kazsports.kz