BEDELDI DE EŃ IRI HALYQTYQ KÚShKE AINALDY

Keshe “Nur Otan” HDP Ortalyq apparatynda Qazaqstan Res­pýb­lıkasynyń Prezıdenti, “Nur Otan” halyqtyq-demokratııalyq partııasynyń Tóraǵasy Nursultan Nazarbaevtyń tóraǵalyq etýimen partııa Saıası keńesi bıýrosynyń kezekti otyrysy ótti. Otyrysqa Saıası keńes bıýrosynyń músheleri, Prezıdent Ákimshiliginiń jaýapty qyzmetkerleri jáne Úkimet músheleri qatysty. Onda Elbasynyń “Jańa onjyldyq – jańa ekonomıkalyq órleý – Qazaqstannyń jańa múmkindikteri” Qazaqstan halqyna Joldaýynda jáne “Nur Otan” HDP-nyń kezekten tys HII sezinde alǵa qoıylǵan tap­syrmalardyń oryndalý barysy talqylandy. Nursultan Nazarbaev partııa Saıası keńesi bıýrosynyń otyry­syn ashardaǵy sózinde “Nur Otan” HDP Ortalyq apparaty sońǵy kezde halyq arasynda aýqymdy ju­mystar atqaryp kele jatqanyn atap ótti. Partııa Tóraǵasynyń aıtýynsha, partııanyń Ortalyq apparaty, oblystyq, qalalyq jáne aýdandyq uıymdary Mem­leket basshysynyń Qazaqstan hal­qyna Joldaýyn kópshilik ara­syn­da nasıhattap, túsindirýde kóp­te­gen is-sharalar atqaryp keledi. Ondaǵy basty másele Qazaq­stan­nyń 2020 jylǵa deıingi Stra­te­gııa­lyq damý jospary bolyp ta­by­lady. Biz mundaı tapsyrmalardy buryn-sońdy kórgen emespiz, dedi Prezıdent osyǵan baı­la­nysty. Qazirgi kezde árbir nysandy qarjylandyrý qamtama­syz etildi, qaı nysannyń qaı ob­lysta, qaı qalada salynatynyn bi­lemiz. Sol nysandardyń qury­ly­sy qashan aıaqtalatyny,  qansha jumys orny ashylatyny naqty­lanǵan. “Nur Otan” partııasy osylarǵa memle­ket­ten bólinetin qarjyǵa baqylaý jasaýy tıis. Budan keıin kún tártibindegi máselege oraı “Nur Otan” HDP Tóraǵasynyń birinshi orynbasary Nurlan Nyǵmatýlın baıandama jasap, Elbasynyń “Jańa onjyl­dyq – jańa ekonomıkalyq órleý – Qazaqstannyń jańa múmkin­dikteri” Joldaýynda jáne “Nur Otan” HDP-nyń kezekten tys HII sezinde alǵa qoıǵan tapsyrma­lar­dyń oryndalý barysyn ortaǵa sal­dy. Baıandamada atap ótilgenin­deı, Prezıdenttiń jańa Qazaqstan qurý jolyndaǵy tapsyrmalaryna baılanysty “Nur Otan” partııa­sy­nyń jumysynda birqatar jańa qadamdar jasaldy. Ol, birinshiden, elimizdiń aldaǵy onjyldyq damý joldaryn kórsetken tarıhı Jol­daýda, Qazaqstannyń 2020 jylǵa deıingi Strategııalyq damý jos­pa­rynda jáne partııanyń Halyqtyq tuǵyrnamasynda kórsetilgen negiz­gi baǵyttardy júzege asyrý úshin Úkimetpen, memlekettik organdar­men birlese jumys isteý. Ekin­shi­den, elimizdegi basqa da saıası par­tııalarmen, qoǵamdyq uıymdar­men, azamattyq ınstıtýttarmen áriptes­tikti nyǵaıtý. Úshinshiden, partııa­nyń aımaqtardaǵy fılıal­dary­nyń, bastaýysh partııa uıym­darynyń jumysyn kúsheıtý. Qazirgi ýaqytta tek ortalyq qana emes, alystaǵy qalalar men aýdandarda elimiz úshin asa mańyz­dy jumystardy belsendi júrgizý úshin bastaýysh partııa uıymdary­men tikeleı baılanys jasaý jol­daryn engizdik, dedi ári qaraı Nurlan Nyǵmatýlın. Búgingi kúni bul uıymdardyń sany 6 myńǵa jetti. Olardyń barlyǵyn árqa­shan elmen birge júretin, kómek kórsetetin, partııamyzdyń bedelin kóteretin negizgi kúsh dep bilemiz. Partııanyń qoǵamdyq qabyldaý bólmeleri de halyq arasynda keńi­nen qoldaýǵa ıe bolyp otyr. Par­tııa Tóraǵasynyń birinshi oryn­basary buǵan mysal retinde ótken tórt aıdyń ózinde ǵana respýblıka boıynsha qoǵamdyq qabyldaý bólmelerine 25 myńdaı ótinish túskenin, bul el azamattarynyń Prezıdentke degen, Prezıdenttiń partııasyna degen zor seniminiń kórsetkishi ekenin atap ótti. Bolashaqta Eýrazııa deń­geıin­degi jańa ekonomıkalyq damýdyń jolyn ashatyn Keden odaǵy Qa­zaq­stan úshin de, basqa memleket­ter úshin de óte mańyzdy ári óte tıimdi ekeni belgili. Baıandamashy osy mańyzdy máselege de arnaıy toqtaldy. Nurlan Nyǵmatýlınniń toqtalyp ótkenindeı, “Nur Otan” men “Edınaıa Rossııa” partııalary al­daǵy ýaqytta eki el partııa­lary­nyń parlamentterdegi fraksııa­lary arqyly Keden odaǵyna qa­tysty jumystardy birlesip ja­saýǵa qol jetkizdi. Osy Keden odaǵy boıynsha, sondaı-aq Jol­daý­da kórsetilgen basqa da strate­gııalyq maqsattardy oryndaý úshin olardy sapaly zańdyq qujattar­men qamtamasyz etý kerek. Bul jer­de partııanyń depýtattyq frak­sııasynyń orny da erekshe, múmkindigi de zor. Búginde “Nur Otan” partııasy barlyq salada Joldaýda naqty­lan­ǵan strategııalyq maqsattardyń oryndalýyna baqylaý jasap, tu­raqty monıtorıng júrgizip keledi. Osy maqsatta qurylǵan baqylaý beketteri, respýblıkalyq, aımaq­tyq keńester óz tıimdiligin kór­se­tip otyr. Ásirese, qoǵamdaǵy sy­baılas jemqorlyqqa qarsy par­tııanyń memlekettik organdarmen, qoǵamdyq uıymdarmen, buqaralyq aqparat quraldarymen birlese qol­ǵa alǵan jumystary óz nátı­jesin berip keledi. Qol jetkizilgen jetistiktermen qatar, alda atqa­rylatyn jumystar da jeterlik. Sondyqtan partııa bar múmkindikti tolyq paıdalana otyryp, ótkir de ózekti problemalardy sheshýdi odan ári jalǵastyra beretin bolady. Partııa Tóraǵasynyń birinshi orynbasary alda turǵan mańyzdy tapsyrmalardyń biri – Memleket basshysynyń Joldaýyn júzege asyrýdaǵy strategııalyq basym­dyqtar: partııalyq baqylaý men monıtorıngtiń tıimdiligin qam­tamasyz etý jaılaryna da toq­taldy. Nurlan Nyǵmatýlınniń atap ótýinshe, bul birqatar baǵytta jumys isteýdi qajet etedi. Birinshi – asa mańyzdy joba retinde ındýstrııalandyrý kartasyna engizilgen partııalyq baqylaý be­ketterin qurý. Bul óziniń tıimdi­li­gin “Jol kartasy” baǵdarlamasyn júzege asyrý barysynda dáleldedi. Búginde osyndaı asa mańyzdy jobalardyń biri –“Batys Eýropa – Batys Qytaı” halyqaralyq tranzıttik dálizi bolyp tabylady. Ekinshi – partııanyń memlekettik qyzmettiń qoljetimdiligin jáne onyń sapasyn arttyrý maqsa­tyn­da turaqty negizde monıtorıng ót­kizýi. Bul halyqqa qyzmet kórsetý ortalyqtarynyń jumy­syn jan­dan­dyrýǵa baǵyttalǵan. Úshinshi – partııanyń Halyqtyq tuǵyrna­ma­syn oryndaý bary­synda turaqty monıtorıng júrgizýdi jalǵastyrý. Baıandamada partııanyń qoǵam­dyq qabyldaý bólmeleriniń ju­my­sy sońǵy jyldary edáýir jaqsara túskendigi de ataldy. Ústimizdegi jyldyń ótken 4 aıynda partııa­nyń qoǵamdyq bólmelerine 25 myńnan astam ótinish túsken. Bul ótken jyldyń osy merzimimen salystyrǵanda 15 paıyzǵa kóp. Azamattardan túsken ótinishterdiń basym kópshiligin turǵyn úımen qamtamasyz etý máseleleri, laýa­zymdy tulǵalardyń jáne quqyq qorǵaý organdarynyń is-áreket­terine qatysty aryz-shaǵymdar quraıdy. Sonymen qatar, Nurlan Nyǵmatýlın memlekettik jáne jal­ǵa beriletin turǵyn úılerdi bólýge baılanysty azamattardan kóp ótinishter túskendigin atap ótti. Onyń aıtýynsha, bul Astana qalasy men basqa da birqatar óńir­lerge qatysty. Osyǵan baıla­nysty jaqyn arada “Nur Otan” partııasy memlekettik jáne jalǵa beriletin páterlerdi bólý, turǵyn úı-kommýnaldyq sharýashylyǵy, agroónerkásip kesheni salalaryn damytý baǵdarlamalary jobala­ryn, sondaı-aq elektr qýatyn únem­deý máselelerin keń kólemde talqyǵa usynýdy josparlap otyr eken. Baıandamashy óz sózinde ma­ńyzdy máseleniń taǵy biri – par­tııa aktıvterin oqytý jáne olardy qaıta daıyndaý jaıyna da arnaıy toqtaldy. Partııa Tóraǵasynyń bi­rinshi orynbasary atap ótkenin­deı, Qazaqstannyń halyqaralyq saıası arenadaǵy róli artyp keledi. Osyǵan oraı partııalyq jumys­tar­dy joǵary talapqa saı uıym­dastyrý, partııanyń saıası ımıd­jin nyǵaıtyp, partııa qyzmet­kerleriniń biliktiligin arttyrý qajet. Partııa Tóraǵasy partııa­nyń kezekten tys HII sezinde osyn­daı tapsyrma bergen bola­tyn. Nurlan Nyǵmatýlınniń aı­týynsha, Memleket basshysynyń tapsyrmasy oryndaldy. Búginde Joǵary partııa mektebi qurylyp, jumys istep jatyr. Partııa Tóraǵasy Saıası keńes bıýrosynyń osynyń aldynda ótken otyrysynda elimizdegi bar­lyq saıası partııalarmen ózara is-qımyl ornatý qajettigin de aıtqan bolatyn. Osyǵan baılanysty “Nur Otan” partııasy búginde eli­mizdegi negizgi saıası uıymdarmen jáne saıası partııalarmen ynty­maq­tastyq ornata bildi. Sonyń nátıjesinde elimizdegi 7 saıası partııa birigip, Partııaaralyq keńes qurdy. Partııa Saıası keńesi bıýro­sy­nyń otyrysynda “Nur Otan” HDP hatshylary Sergeı Gromov pen Erlan Qarın sóz alyp, par­tııanyń partııalyq uıymdastyrý jumystarymen jáne aqparattyq-ıdeologııalyq qyzmetterimen tanystyrdy. Partııa hatshysy Sergeı Gromovtyń habardar etýin­she, búginde “Nur Otan” partııa­synyń 790 myń múshesi bar. Par­tııanyń 6600 bastaýysh uıymy jumys isteıdi, músheler qatary 6 esege ósti. Bul ýaqyt ótken saıyn kópshiliktiń “Nur Otan” partııa­syna degen senimi nyǵaıa túskenin kórsetedi. Nurotandyqtar qatary­nyń 80 paıyzdan astamyn jas­tary 50-ge deıingiler quraıdy. Ási­rese, sońǵy jyldary jastar­dyń “Nur Otanǵa” múshelikke ótýleri artyp keledi. Partııa hatshysy, sondaı-aq jyl basynan beri júzege asy­ryl­ǵan is-sharalarǵa da toqtaldy. Hat­shynyń atap ótýinshe, ótken 4 aı ishinde partııanyń Ortalyq appa­ra­ty men jergilikti uıymdary 10 myńnan astam túrli is-sharalar uıym­dastyryp, ótkizýge uıytqy boldy. Bul sharalarǵa 3 mln.-ǵa jýyq adam qatysty. Búginde par­tııanyń jergilikti uıymdarynyń qyzmetin jandandyrýǵa basa nazar aýdarylyp otyr. Partııanyń fı­lıaldary men bastaýysh uıym­daryn qaıta qurylymdaý nátı­je­sinde sońǵy eki jylda 733 partııa uıymy jańadan quryldy. Osy­nyń barlyǵy jergilikti jerlerdiń ereksheligin eskere otyryp júzege asyryldy. Al partııa hatshysy Erlan Qarın­niń sózine qaraǵanda, “Nur Otan” partııasy búginde óz jumy­syn partııa Tóraǵasynyń sheshim­deri men tapsyrmalaryna sáıkes qura bilgen. Bul jerde partııanyń aqparattyq-ıdeologııalyq qyz­me­tine úlken jaýapkershilik júk­tel­gen. Kez kelgen saıası partııanyń kúshi, eń aldymen, sanaýly ýa­qyt­ta óz jaqtastaryn jumyldyrý qabiletimen ólshenedi. Qazirgi kez­de partııa organdary soǵan um­tylýda. Buǵan “Nur Otannyń” Pre­zıdent Joldaýyn qazaqstan­dyq­tarǵa túsindirý jumystaryn keń aýqymda júrgizip kele jat­qandyǵy dálel bolady. Partııa hatshysy osyǵan qa­tys­ty sońǵy 4 aıda ótkizilgen is-sharalardy atady. Onyń aıtýyn­sha, osy aralyqta 4,5 myń shara ótkizilip, oǵan jarty mıllıonnan astam adam qatysqan. Tek par­tııalyq BAQ-tarda ǵana 320 habar efırge shyǵyp, 700 materıal ja­ryq kórgen. Áleýmettik suraý sa­lý­dyń nátıjesi boıynsha, Elba­synyń Joldaýyn halyqqa aqparat arqyly jetkizý deńgeıi ótken jylmen salystyrǵanda 17 paıyzǵa artyp, 80 paıyzdy quraǵan. Jol­daý­dy túsindirý jumystary aldaǵy ýaqytta da belsendi júrgiziletin bolady. Otyrysta, sondaı-aq partııa Saıa­sı keńesi bıýrosynyń múshe­leri – Parlament Senatynyń de­pýtaty Anatolıı Bashmakov, Par­lament Májilisiniń depýtaty Ro­mın Mádınov jáne Ál-Farabı atyn­daǵy Qazaq ulttyq ýnıver­sı­te­tiniń rektory Baqytjan Ju­ma­ǵulov sóz alyp, partııanyń Pre­zı­dent Joldaýyn júzege asyrýda­ǵy jumystaryn joǵary baǵalady. “Nur Otan” HDP Saıası keńesi bıýrosynyń otyrysyn el Pre­zı­denti, partııa Tóraǵasy Nursultan Nazarbaev qorytty. Prezıdent qorytyndy sózinde partııa ju­my­syna oń baǵa berip, sońǵy ýaqytta partııanyń Ortalyq apparaty, sondaı-aq oblystyq, qalalyq jáne aýdandyq uıymdary aýqym­dy jumystar atqarǵandyǵyn atap ótti. Sonymen qatar, Nursultan Nazarbaev nurotandyqtarǵa Qazaq­stannyń 2020 jylǵa deıingi Stra­tegııalyq damý josparyn júzege asyrýǵa qatysty partııalyq baqy­laýdy kúsheıtýdi jáne saıası-par­tııalyq jumystardy jetildirýdi tapsyrdy. Álısultan QULANBAI.