2022 jylǵy 1 aqpannan bastap kúshine enetin Qazaqstan Respýblıkasy men Reseı Federasııasy arasynda tańbalaý kodtaryn ózara tanýdyń ýaqytsha sulbasy iske asyryldy. Bul reseılik aıaq kıimniń qazaqstandyq ımporttaýshylary Reseıde tańbalanǵan ónimdi satyp ala alady jáne bul rette ony Qazaqstanǵa ákelý aldynda qaıta tańbalaı alady degendi bildiredi. Osyǵan uqsas sulba Qazaqstannan Reseıge jetkiziletin aıaq kıimge de qoldanylatyn bolady.
2022 jylǵy sáýirden bastap Qazaqstan, Reseı jáne Belarýs aıaq kıim taýarlaryn tańbalaý kodtaryn ózara tanýǵa qol jetkizý josparlanyp otyr. Naryqqa yńǵaıly bolý úshin taraptar Qazaqstan men Reseı arasynda tańbalaý kodtaryn tanýdyń ýaqytsha sulbasy týraly kelisimge qol jetkizdi, tańbalaý operatorlary derekter almasýdy jolǵa qoıý boıynsha únemi jumys júrgizýde. Tolyq nusqaýlyq markirovka.kz saıtynda ornalasqan.
Esterińizge sala keteıik, Qazaqstanda aıaq kıim taýarlaryn mindetti sıfrly tańbalaý jáne baqylaý 2021 jyldyń 1 qarashasynan bastap engizildi. Reseıde aıaq kıim mindetti túrde 2020 jyldyń 1 shildesinen bastap, al Belarýssııada 2021 jyldyń 1 qarashasynan bastap belgilenedi.
Taýarlardy sıfrly tańbalaý máseleleri boıynsha keńester úshin táýlik boıy tegin «jedel jeli» jumys isteıdi – 8 800 080 65 65.
