Oslonyń «Tennıs Arenasynda» ótetin básekede jerlesterimizdiń qandaı quramda óner kórsetetini anyqtaldy. Jekelegen saıysta Aleksandr Býblık, Mıhaıl Kýkýshkın jáne Dmıtrıı Popko kortqa shyǵady. Qazirgi kezde Býblık álemdik reıtıngte 35-oryndy ıelenýde. Sońǵy ýaqytta ol óreli ónerimen kózge túsip, eleýli tabystarǵa qol jetkizýde. Kýkýshkın 166-oryndy enshilese, Popko 180-satyǵa jaıǵasty. Juptyq básekede Andreı Golýbev pen Aleksandr Nedovesovke senim artylýda. Kópshilik bul kezdesýdiń qazaqstandyqtardyń paıdasyna sheshiletinine esh kúmáni joq. Sebebi Skandınavııa túbegi tennısshileri arasynda tek Kasper Rýýdty ǵana bóle-jara atap ótýge bolady. ATR týrnırlerin alty ret utyp, byltyr Aýstralııanyń ashyq birinshiliginiń shırek fınalyna deıin jetken saıypqyran bul kúnderi álemniń segizinshi raketkasy atanyp otyr. Al ózgeleri, tipten «TOP-300» oıynshynyń qatarynda joq. Osy matchta jeńiske jetken komanda Devıs kýbogynyń fınaldyq saıysyna joldama alady.
