Jalpy quny 300,2 mıllıard teńge bolatyn 349 joba júzege asqan. 8 myńǵa jýyq jumys orny ashylǵan. Onyń myńy - turaqty, 7 myńy - ýaqytsha.
Respýblıka boıynsha 2,6 myń shaqyrym avtojol paıdalanýǵa berildi. Atap aıtqanda, jergilikti joldardyń 19 shaqyrymy salyndy, 152 shaqyrymy qaıta jańartyldy, 220 shaqyrymy kúrdeli jóndeýden ótti, 2,2 myń shaqyrym jolǵa ortasha jóndeý júrgizildi.
Aýdan ortalyqtaryn oblystarmen baılanystyratyn joldar da qalypqa keltirilýde.
Iske asyrylǵan iri jobalardyń qatarynda Shyǵys Qazaqstan oblysy Kúrshim aýdanyndaǵy Buqtyrma sý qoımasy arqyly ótetin kópir ótkeliniń qurylysyn, Aqtaý qalasynyń kýrorttyq aımaǵynda joldar salý jáne rekonstrýksııalaý, Atyraý oblysyndaǵy «Inder-Mııaly», Aqtóbe oblysyndaǵy «Aqtóbe qalasynyń ońtústik aınalma joly», Almaty oblysyndaǵy «Almaty-Lepsi» jobalaryn aıtýǵa bolady. Sondaı-aq, respýblıkalyq mańyzy bar qalalarda kósheler retke keltirilip jatyr.
Jyl qorytyndysynda jergilikti joldardyń normatıvti jaǵdaıdaǵy úlesi 80%-ǵa jetkizildi. Byltyr bul kórsetkish 75% edi.
Oblystyq jáne aýdandyq avtojoldar jergilikti atqarýshy organdarǵa qarasty ekenin aıta ketý kerek. QR Indýstrııa jáne ınfraqurylymdyq damý mınıstrligi óz kezeginde jyl saıyn jergilikti joldar jelisin damytýǵa maqsatty transfertterdi parıtettik negizde bólýde. Iаǵnı, 50 paıyzy respýblıkalyq bıýdjetten, qalǵanyn jergilikti atqarýshy organdar jergilikti bıýdjetten bóledi.
Jalpy elimiz boıynsha jergilikti joldardyń uzyndyǵy 71 myń shaqyrymnan asady. «Qýatty óńirler – el damýynyń draıveri» ulttyq jobasyna sáıkes 2020-2025 jyldary oblystyq jáne aýdandyq mańyzy bar 27 myń shaqyrym joldy qurylys jumystarymen qamtý kózdelip otyr.
