Aýyl sharýashylyǵy ǵylymdarynyń doktory Bolat Muhambetov jetekshilik etetin ǵalymdar toby ormanǵa laıyqtalǵan kóshetterdi, sondaı-aq jemis aǵashyn ósirý úshin sazdy jáne aýyr sazdy topyraqty tuzdanýdan qorǵaýdyń tyń tásilin oılap tapty. Ǵalymnyń aıtýynsha, tuzdanǵan topyraqty tereń qopsytý júrgiziledi. Aryqtar, ýaqytsha jáne toptama kárizder tilinip, jaldar úıiledi. Tyńaıtqysh berilgennen keıin tanaptaǵy jer tegistelip, gektaryna 15-20 tonna kóń, 3-5 tonna ǵanysh (bor tasty kúıdirý arqyly alynatyn qurylys materıaly), geolıt nemese shýngıt tabıǵı sorbentteri qoldanylady. Basqasha beınelegende, taldyń, sonyń ishinde jemis aǵashynyń kóshetin egý aldynda topyraqty sý men tuzdan aryltyp alý kerek.
– Qazir atalǵan ıntegrasııalyq tásildi qoldaný úshin jergilikti kásipkerlerdiń biri 1 gektar jer telimin usynyp otyr. Bul ádis bir jylda tıimdiligin beredi. Jańa jobany tıimdi paıdalansaq, qunarlanǵan topyraqqa egilgen kóshetter jaıqalyp ósip, jemis berer edi, – deıdi Bolat Muhambetov. Jaqynda atyraýlyq ǵalymdardyń jańa jobasyna patent berildi.
Atyraý oblysy
