Qoǵamdyq medıatorlardy qalanyń, aýdannyń, kenttiń, aýyldyń, aýyldyq okrýgtiń jergilikti qoǵamdastyǵynyń jıyny keminde toqsanyna bir ret saılaıdy dep kózdeledi.
Ákimdikterdiń apparaty óziniń ınternet-resýrsynda, sondaı-aq áleýmettik jelilerdegi resmı akkaýnttarynda qoǵamdyq medıatorǵa qoıylatyn talaptardy, qujattardy tapsyrý merzimderin, sondaı-aq poshtalyq mekenjaı men qujattar jiberiletin elektrondyq poshta mekenjaılaryn kórsete otyryp, qoǵamdyq medıatorlardy saılaý týraly habarlandyrýdy ornalastyrady.
Qujattardy qabyldaý merzimi qoǵamdyq medıatordy saılaý týraly habarlandyrý jarııalanǵan kúnnen keıin 10 jumys kúnin quraıdy.
Qoǵamdyq medıatordy saılaýǵa qatysqysy keletin úmitkerler kelesi qujattardy usynýy kerek:
- Nysan boıynsha ótinish;
- QR azamatynyń jeke kýáliginiń kóshirmesi;
- Zańdy mekenjaıy týraly málimetter;
- Baılanys derekteri (poshtalyq mekenjaıy nemese elektrondyq poshta mekenjaıy ne telefon nemese telefaks nómiri);
- Mamandandyrylǵan medıasııa salasy týraly málimetter;
- Medıasııany júzege asyratyn til týraly málimetter;
- Úmitkerdiń turǵylyqty jeri boıynsha berilgen narkologııalyq kómek kórsetetin medısınalyq uıymdardan jáne psıhonevrologııalyq uıymnan alynǵan medısınalyq anyqtamalar;
- Sottylyǵynyń joqtyǵy týraly anyqtama.
Qoǵamdyq medıatordy saılaý jónindegi jınalysty jergilikti ákimdik shaqyrady jáne ótkizedi.
Ereje jobasy 18 aqpanǵa deıin «Ashyq NQA» saıtynda jarııa talqylaý úshin ornalastyrylǵan.
