«Makroekonomıkalyq turaqtylyqty qamtamasyz etý« baǵyty boıynsha Úkimet ınflıasııany baqylaý jáne tómendetý, tarıftik saıasatty jetildirý, qarjylyq tártip pen ashyqtyqty qamtamasyz etý boıynsha sharalar keshenin iske asyrýǵa shoǵyrlanady», dedi Álıhan Smaıylov.
Mınıstrler kabınetiniń basshysy ishki naryqty molaıtý jáne olardyń tapshylyǵyn boldyrmaý úshin áleýmettik mańyzy bar azyq-túlik taýarlarynyń óndirisi ulǵaıtylatynyn atap ótti.
Onyń aıtýynsha, elimizde ulttyq taýar ótkizý júıesin qurýdyń birinshi kezeńi iske asyrylatyn bolady.
«Ishki naryq qosymsha 150 myń tonna kóleminde suıytylǵan munaı gazymen qamtamasyz etiletin bolady. Shıki jáne taýarlyq gazdyń baǵasy 2024 jylǵy 1 qańtarǵa deıin ótken jylǵy jeltoqsan deńgeıinde bekitiletin bolady», dep tolyqtyrdy Álıhan Smaıylov.
